საკრებულოს შენობასთან აქციის მონაწილეებმა ნაგვის ურნა მიიტანეს
დაძაბულობაა საკრებულოს შენობასთან, სადაც სამოქალაქო აქტივისტები „ნაციონალური მოძრაობის“ დეპუტატზე ლევან ხაბეიშვილზე ფიზიკურ ანგარიშწორებას აპროტესტებენ.
სამოქალაქო მოძრაობა „შეცვალეს“ აქტივისტებმა საკრებულოს შენობასთან ნაგვის ურნა მიიტანეს. ურნას საკრებულოს იმ დეპუტატთა ფოტოები მიაკრეს, რომლებიც, მათი თქმით,„ნაციონალური მოძრაობის“ დეპუტატს ლევან ხაბეიშვილს ფიზიკურად გაუსწორდნენ.
აქციის მონაწილეები საკრებულოდან ამ დეპუტატთა გარიცხვას ითხოვენ.
აქციის მონაწილები ცდილობდნენ ნაგვის ურნა საკრებულოს შენობაში შეეტანაც, რასაც დაცვის თანამშრომლების წინააღმდეგობა მოჰყვა.
აქციის მონაწილეთა განცხადებით ხელისუფლება შერჩევითი სამართლით ხელმძღვანელობს. მათი თქმით, ამ დრომდე არ დამდგარა იმ პირთა სამართლებრივი პასუხისმგებლობის საკითხი, რომლებიც ლევან ხაბეიშვილს ფიზიკურად გაუსწორდნენ.
ლევან ხაბეიშვილის ცემის ფაქტზე შინაგან საქმეთა სამინისტრომ გამოძიება დაიწყო. სისხლის სამართლის კოდექსის 126-ე, ძალადობის მუხლით.
შსს-ს ცნობით მიმდინარეობს საგამოძიებო მოქმედებები და გამოკითხული არიან ინციდენტში მონაწილე პირები.