სპარსეთის ყურის ქვეყნები შეთანხმდნენ ყატართან სამწლიანი დიპლომატიური დაპირისპირების შეწყვეტაზე
სამშაბათს სპარსეთის ყურის ქვეყნების ლიდერებმა საუდის არაბეთში, ხელი მოაწერეს შეთანხმებას ყატართან სამწლიანი დიპლომატიური და ეკონომიკური დაპირისპირების დასრულების თაობაზე.
ეს მოხდა 5 იანვარს ყოველწიურ სამიტზე, რომელზეც საუდის არაბეთის და სპარსეთის ყურის ქვეყნები შეთანხმდნენ ყატართან სამი წლის განმავლობაში შეწყვეტილი სახმელეთო, საზღავო და საჰაერო მიმოსვლის აღდგენაზე.
როგორც საუდის არაბეთის ტახტის მემკვიდრემ, პრინცმა მოჰამად ბინ სალმანმა აღნიშნა, სპარსეთის ყურის არაბული ქვეყნების თანამშრომლობის საბჭოს წევრმა სახელმწიფოებმა მოიწონეს „სოლიდარობისა და სტაბილურობის“ შეთანხმება, რომლის შინაარსი, ჯერჯერობით, უცნობია.
სამიტს ესწრებოდა აშშ-ის პრეზიდენტის უფროსი მრჩეველი და დონალდ ტრამპის სიძე, ჯარედ კუშნერი. ყატარი და საუდის არაბეთი ახლო აღმოსავლეთში აშშ-ის მთავარ მოკავშირეებად ითვლება.
2017 წლის ივნისში საუდის რაბეთმა, ეგვიპტემ, არაბთა გაერთიანებულმა საამირომ და ბაჰრეინმა დიპლომატიური და ეკონომიკური კავშირები გაწყვიტეს ყატართან, რამაც სპარსეთის ყურეში ღრმა კრიზისს დაუდო სათავე.
ასეთი ზომების მიზეზი გახდა ყატარის დადანაშაულება ტეორორისტული ორგანიზაციების, მათ შორის ალ-ყაიდისა და ექსტრემისტული დაჯგუფება, „ისლამურ სახელმწიფოს“, მხარდაჭერაში, რასაც ყატარი უსფუძვლოს უწოდებდა.