გამყრელიძე: "მინდა ვთხოვო სინოდს, რომ განსაკუთრებული თანამშრომლობა იყოს ვაქცინაციის პროცესში"
"გთხოვთ გვერდში დაგვიდგეთ ექიმებს ამ პერიოდში და ვითანამშრომლოთ, რადგან მოსახლეობას თქვენი ძალიან სჯერა, ბევრ შემთხვევაში ექიმზე უფრო ძლიერ, ამირტომ გთხოვთ, განსაკუთრებული თანამშრომლობა იყოს ვაქცინაციის პროცესში, ჩვენ მზად ვართ ნებისმიერი შეხვედრისთვის, ეს ყოველთვის ასე იყო და ჩვენთვის დიდი პატივია თქვენთან ერთად ყოფნა, დიდი იმედი მაქვს ერთად მივაღწევთ შედეგს." - განაცხადა დაავადებათა კონტროლისა და საზოგადოებრივი ჯანდაცვის ცენტრის დირექტორმა ამირან გამყრელიძემ ონლაინ პრესკონფერენციაზე. მან ამ ფორმით უპასუხა კითხვას, ეკლესიასთან თანამშრომლობაზე და იმ სასულიერო პირებზე, რომლებიც "ანტივაქსერულ" განცხადებებს აკეთებენ და მრევლსაც არ ურჩევენ კორონავირუსის ვაქცინის გაკეთებას.
"ვსარგებლობ შემთხვევით და მინდა ვთხოვო წმინდა სინოდს და თითოეულ მღვდელმთავარს, რომ მათი როლი არის განსაკუთრებული ამ უმნიშვნელოვანეს პროცესში.
ტყუილად არ ვთქვი რომ ბოლო 200 წლის განმავლობაში ვაქცინებმა მილიონობით ადამიანის სიცოცხლე იხსნა. ვაქცინაცია არის მეცნიერულად დასაბუთებული და მოგეხდენებათ, ეკლესია ყოველთვის ეყრდნობა მეცნიერულად დადასტურებულ ფაქტებს, ვაქცინაციის სიკეთე გამოსცადა კაცობრიობამ." - განაცხადა გამყრელიძემ.
მან მადლობა გადაუხადა ეკლესიას და სასულიერო პირებს პანდემიის დასაწყის პერიოდში თანამშრომლობის გამო და აღნიშნა, რომ ეკლესიის მოწოდებებმა დიდი როლი ითამაშა იმაში, რომ საეკლესიო დღესასწაულების პერიოდში მინიმალური დანაკარგი მიიღეს.
"ამიტომ, გთხოვთ გვერდში დაგვიდგეთ ექიმებს ამ პერიოდში და ვითანამშრომლოდ რადგან მოსახლეობას თქვენი ძალიან სჯერა ბევრ შემთხვევაში ექიმზე უფრო ძლიერ, ამირტომ გთხოვთ განსაკუთრებული თანამშრომლობა იყოს ვაქცინაციის პროცესში, ჩვენ მზად ვართ ნებისმიერი შეხვედრისთვის, ეს ყოველთვის ასეა და ჩვენთვის დიდი პატივია თქვენთან ერთად ყოფნა და დიდი იმედი მაქვს ერთად მივაღწევთ შედეგს". - განაცხადა ამირან გამყრელიძემ
საქართველოში 15 მარტს, დაიწყო კორონავირუსზე ვაქცინაცია. ვაქცინის პირველი დოზები საჯაროდ, პირდაპირ ეთერში გაიკეთეს დაავადებათა კონტროლის ცენტრის თანამშრომლებმა, წამყვანი კლინიკების ექიმებმა, ვაქცინის დამატებით დოზებს მარტისა და აპრილის ბოლოს ელოდებიან. საფხულის პერიოდში კი საყოველთაო ვაქცინაციას აანონსებენ, თუმცა ეს დამოკიდებულია იმ დოზებზე რომლის შემოტანაც მოხერხდება ქვეყანაში.
საქართველოში ვაქცინის პირველი პარტია, „ასტრაზენეკას“ 43 200 დოზა 13 მარტს შემოვიდა.