საქართველოს სარაგბო ნაკრებმა კალინინგრადში დაამარცხა რუსეთის ნაკრები
ქართველთაგან ლელოები აკაკი ტაბუცაძემ, თედო აბჟანდაძემ და დავით ნინიაშვილმა გაიტანეს. აბჟანდაძემ ერთი გარდასახვა და ორი საჯარიმოც მიითვალა.
რაგბი ევროპის ჩემპიონატის მიმდინარე გათამაშებაში, რომელიც ამავდროულად 2023 წლის მსოფლიოს თასის შესარჩევი ეტაპიცაა, ბორჯღალოსნებმა რუსეთთან შეხვედრამდე ორი გასვლითი მატჩი ჩაატარეს და ორივე მოიგეს - პორტუგალიასთან (29:16) და ესპანეთთან (25:19). მომდევნო შეხვედრაში კი, 28 მარტს, თბილისში დაუპირისპირდებიან რუმინეთის ნაკრებს. ხანგრძლივი პაუზის შემდეგ, სწორედ იმ მატჩზე დაუბრუნდებიან მაყურებლები ტრიბუნებს.