გერმანიაში დემონსტრანტებსა და პოლიციას შორის შეტაკება მოხდა მთავრობის მიერ კარანტინის უფრო მკაცრი ზომების შემოღების გამო
დემონსტრაციის კადრებზე ჩანს, რომ მისი მონაწილეები არ ატარებენ ნიღბებს და არ იცავენ სოციალური დისტანცირების ნორმებს. იტყობინებიან ასევე მცირე შეტაკებების შესახებ საპირისპირო დემონსტრაციის მონაწილეებთან. გერმანიის პრესის სააგენტო - DPA - იტყობინება, რომ დემონსტრანტებმა შეუტიეს ზოგიერთ ჟურნალისტს.
პოლიციის თანახმად, რამდენიმე ადამიანი დააკავეს.
გერმანიის ქალაქებში საპროტესტო გამოსვლებისკენ მოწოდებით გამოვიდნენ მთავრობის ზომების მოწინააღმდეგე სხვადასხვა გაერთიანებები, მათ შორის, ულტრა-მემარჯვენეებიც.
ბერლინში პოლიციამ აღკვეთა გამოსვლა, რადგან თვლის, რომ მისი მონაწილეები არ ატარებენ ნიღბებს და არ იცავს სოციალურ დისტანციას. ქალაქის ხელისუფლება მოემზადა ბრანდენბურგის ჭიშკართან დიდი დემონსტრაციისთვის, მაგრამ მხოლოდ 500 ადამიანი შეიკრიბა. საპროტესტო გამოსვლები მოეწყო მას მერე, რაც კანცლერმა ანგელა მერკელმა განაცხადა, რომ გერმანიამ საჭიროა გამოიყენოს „საავარიო მუხრუჭი“, რათა შეაჩეროს კორონავირუსის შემთხვევების ექპონენციალური ზრდა.