"კომენდანტის საათის" გაუქმების მოთხოვნით აქცია იმართება და საკონსტიტუციო სარჩელი მზადდება
![](https://gdb.rferl.org/FFF97348-053C-42D0-A970-AB141DCD053E_w800_h450.jpg)
მთავრობის ადმინისტრაციასთან მოძრაობა #სოცაფეთქება და მოქალაქეები "კომენდანტის საათის" გაუქმების მოთხოვნით კიდევ ერთხელ შეიკრიბნენ. ეს აქცია წინა სხვა აქციებისგან იმით განსხვავდება, რომ გროვდება ხელმოწერები საერთო კონსტიტუციური სარჩელისთვის.
"[კომენდანტის საათი] სხვადასხვა სოციალური, ეკონომიკური თუ მომსახურების სფეროს მუშაობას აბრკოლებდა და პანდემიის, ე.წ. პრევენციის მიზნით დაწესებული შეზღუდვებით, კიდევ უფრო მეტად წაართვა ადამიანებს შემოსავლის მიღების შესაძლებლობა", - აცხადებენ აქციის ორგანიზატორები.
კოლექტიური სარჩელი, რომელზე ხელმოწერის შესაძლებლობა აქციაზე მყოფ ნებისმიერ პირს აქვს, "თავისუფლების ინსტიტუტმა" მოამზადა.
საქართველოში "კომენდანტის საათი" 28 დეკემბრიდან ამოქმედდა. 21:00 საათიდან 05:00 საათამდე ქუჩაში გადაადგილება აკრძალულია, წესის დარღვევისთვის მოქალაქე 2000 ლარით ჯარიმდება.