კიევში დაბომბვის შედეგად დაიღუპა ჟურნალსიტი ოკსანა ბაულინა
„ის რუსეთის ძალების დაბომბვით შედეგად დანგრეულ შენობებს იღებდა პოდოლსკის რაიონში და ახალ სარაკეტო დარტყმას ემსხვერპლა. მასთან ერთად დაიღუპა კიდევ ერთი მოქალაქე, ორი თანმხლები პირი კი დაჭრილი და ჰოსპიტალეზებულია", - იუწყება გამოცემა.
აქამდე ბაულინა მუშაობდა „კორუფციასთან ბრძოლის ფონდში" და დააარსა არხი „Навальный LIVE", აგრეთვე, მუშაობდა მიხაილ ხოდორკოვსკის მიერ დაფუძნებულ ორგანიზაციაში „ღია რუსეთი", თანამშრომლობდა რადიო თავისუფლებასთან და „მედიაზონასთან".
რუსეთი უკრაინის წინააღმდეგ ომს 24 თებერვლიდან აწარმოებს, რასაც წინ უძღოდა პრეზიდენტ პუტინის მიერ უკრაინის ორი სეპარატისტული რეგიონის, დონეცკის და ლუგანსკის ე.წ. სახალხო რესპუბლიკების "დამოუკიდებლობის" აღიარება. მანამდე რუსეთმა მოითხოვა, რომ უკრაინა არ გახდეს ნატოს წევრი.
პუტინს უკრაინაში "სპეციალური სამხედრო ოპერაციის" მიზნად გამოცხადებული აქვს უკრაინის "დემილიტარიზაცია და დენაციფიკაცია". რუსული არმია უკრაინაში ბომბავს არა მხოლოდ სამხედრო, არამედ სამოქალაქო ობიექტებსაც.
უკრაინაზე თავდასხმის გამო, ევროკავშირმა, აშშ-მა, დიდმა ბრიტანეთმა და სხვა სახელმწიფოებმა რუსეთის ეკონომიკის და საფინანსო სექტორებს, ხელისუფლების წარმომადგენლებს და მათთან დაახლოებულ ბიზნესმენებს უპრეცედენტო სანქციები დაუწესეს და უკრაინას უწევენ სამხედრო და ფინანსურ დახმარებასაც.