უკრაინაში დაღუპული ქართველი მებრძოლები თბილისში ჩამოასვენეს
24 მარტის დილას, თბილისის საერთაშორისო აეროპორტთან შეიკრიბნენ სამხედროების ოჯახის წევრები და მოქალაქეები, რომელთაც უკრაინისა და საქართველოს დროშებისა და სანთლების თანხლებით, გარდაცვლილებს პატივი მიაგეს.
აეროპორტში მივიდა საქართველოს პრეზიდენტი, სალომე ზურაბიშვილი და დაღუპულთა ოჯახებს სამძიმარი გამოუცხადა. პრეზიდენტი ხელისუფლების ერთადერთი წარმომადგენელია, რომელიც ჩამოსვენებას დაესწრო.
გია ბერიაშვილი და დავით რატიანი უკრაინაში იბრძოდნენ რუსეთის შეჭრის წინააღმდეგ, უცხოელ მოხალისეთა რაზმში. ისინი 18 მარტს, კიევის ჩრდილო-დასავლეთით, ირპინის ფრონტზე დაიღუპნენ, რუსული დაბომბვის შედეგად.