“რეჟისორ მარჯანოვს ურჩევნია, სრულიად დაივიწყოს, რომ და ჰყავსო!“
“დღეს უდიდესი ქართველი რეჟისორის
კ ო ტ ე მ ა რ ჯ ა ნ ი შ ვ ი ლ ი ს
დაბადების დღეა.
9 ივნისს 150 წელი უსრულდება!
ალბათ არავის დაავიწყდება როგორ გააცისკროვნა ქართული თეატრი ამ გენიალურმა ხელოვანმა!
დიდება ასეთ მამულიშვილებს!
ძალიან მინდა მისი დის, თამარის ტრაგიკული ამბავი მოგითხროთ! მსურს ყველამ იცოდეს რა ბოროტებას ემსახურებიან ფანატიკოსი პოლიტიკოსები!
კოტესი და თამარის დედა სოლომან ჭავჭავაძის ქალიშვილი, ულამაზესი ლიზიკო გახლდათ!
“გახსოვს ტურფა, ჩვენ დიდ ბაღში
მე და შენ რომ ერთად ვრბოდით?
ნეტა იმ დროს!.. სიყვარულის
მეტს არაფერს ჩვენ ვერ ვგრძნობდით!“- ილიამ ეს ლექსი სწორედ და-ძმის დედას მიუძღვნა!
ადრე დაობლდნენ ბავშვები, დეიდა ზრდიდა.
პატარა კოტე თეატრმა დაატყვევა,
ხოლო, მისი და, მომავალი უნიჭიერესი მუსიკოსი მონაზონად აღიკვეთა.
ერთხელ, როცა თამარი ბოდბეში წმინდა ნინოს ტაძარში შევიდა, სასწაული მოხდა, წირვის დროს თეთრი მტრედი შემოფრინდა და ტეძარში საუცხოო შუქი შემოიჭრა. მოულოდნელად მტრედი თამარისკენ მოფრინდა და ახალგაზრდას თავზე დიდხანს დასტრიალებდა…
გადაწყდა, უფალს შეწირა გოგონამ თავის სიცოცხლე!..
რევოლუციის შემდეგ გადაასახლეს დედა იუბილენია(ასეთი სახელი მიანიჭეს ახალგაზრდა მონაზონს!)
წამებულის ბედი ერგო ღვთის მსახურს, მაგრამ ყველგან პატიმრები თავს ევლებოდნენ!
მისი ძმა კი თავისი შექმნილი თეატრიდან წასვლა რომ მოუხდა, მოსკოვში კულტურის დიდ ნარკომთან, ლუნაჩარსკისთან მივიდა და დახმარება სთხოვა, იქნებ ჩემი და გამინთავისუფლოთო!
ლუნაჩარსკიმ სერგო ორჯონიკიძეს გადასცა დიდი რეჟისორის თხოვნა!
ორჯონიკიძემ კი:
“რეჟისორ მარჯანოვს ურჩევნია, სრულიად დაივიწყოს, რომ და ჰყავსო!“
1930 წელს ლუნაჩარსკიმ მანქანაში გადასცა კოტეს ორჯონიკიძეს სიტყვები და ძმას გული გაუსკდა, მანქანაშივე გარდაიცვალა დიდი კოტე!
(გამოვიყენე მარიტა დამენიას ნაშრომი.)” – წერს რეჟისორი რობერტ სტურუა სოციალურ ქსელში.