ხუნდაძის თქმით, კელი დეგნანი აშშ-ის იმიჯს აზიანებს, როცა ყაველაშვილის კითხვებს არ პასუხობს
პარლამენტის დეპუტატი დიმიტრი ხუნდაძე, რომელიც მმართველი პარტიის ერთ-ერთი ლიდერი იყო რამდენიმე დღის წინ, აშშ-ის ელჩს ქვეყანაში პოლარიზების გაზრდასა და ქართველი ხალხის შეურაცხყოფაში ადანაშაულებს. წერილში, რომელიც პარლამენტის პრესსამსახურმა დიმიტრი სამხარაძის სახელით დააგზავნა, აღნიშნულია, რომ ის "ქართული ოცნების" ყოფილი დეპუტატია.
"ეს არ იყო მხოლოდ ერთი დეპუტატის მიმართ გამოხატული უპატივისმცემლობა, ამ პასუხმა შეურაცხყო მთლიანად ქართველი ამომრჩეველი... მე უკვე განვაცხადე, რომ ასეთი დამოკიდებულებით ქართველ ხალხში ევრო-ატლანტიკური გზისკენ ლტოლვა ზიანდება. ეს კი საფრთხის შემცველია ჩვენი სახელმწიფოსთვის", - წერია წერილში.
ხუნდაძე იმ წერილს, რომელიც მისმა თანამოაზრემ, პარლამენტის კიდევ ერთმა წევრმა მიხეილ ყაველაშვილმა საქართველოში აშშ-ის ელჩს გაუგზავნა და უთხრა, რომ "ომში ჩართვის ნარატივი მათგან დაფინანსებული ადამიანებისგან მოდის", "საზოგადოების დიდი ნაწილის" წუხილად მიიჩნევს.
"თუკი ეს დუმილი ან იგნორი, მით უმეტეს შეურაცხყოფა დიპლომატისგან ხდება, მაშინ იმიჯი უზიანდება იმ ქვეყანას, რომელსაც ის წარმოადგენს", - წერია ხუნდაძის სახელით გავრცელებულ წერილში.
საქართველოს პარლამენტის დეპუტატი და მმართველი პარტიის ერთ-ერთი ყოფილი ლიდერი მიხეილ ყაველაშვილი საქართველოში აშშ-ის ელჩს საყვედურის შინაარსით წერილს სწერდა და აღნიშნავდა, რომ საქართველოს ომში ჩართვის ნარატივი არა რუსეთის უშიშროების ფედერალური (ეფესბე) სამსახურიდან, არამედ აშშ-ის საელჩოსგან დაფინანსებული და მხარდაჭერილი ადამიანებისგან ისმის. მიხეილ ყაველაშვილის წერილი კვლავ საქართველოს პარლამენტის ვებგვერდზე გამოქვეყნდა.
"ნარატივი იმის შესახებ, რომ ამერიკას საქართველოს ომში ჩართვა უნდა, არა ეფესბეს სახელმძღვანელოებში, არამედ თქვენგან დაფინანსებული თუ თქვენთან აფილირებული ადამიანების განცხადებებსა და მათგან თქვენ არგამიჯვნაში უნდა ვეძებოთ.
რატომ უწყობენ ხელს თქვენი დაფინანსებული თუ თქვენს მიერ მოწონებული ენჯეოები, პარტიები და ტელევიზიები საქართველოში ეფესბეს ნარატივის გამყარებას, ჩემთვის სრულიად გაუგებარია...
როგორც ცნობილია, ფულს ვინც იხდის, მუსიკასაც ის უკვეთავს. როდესაც ე.წ. ტექნიკური მთავრობის შესახებ მოთხოვნას არ ემიჯნებით, ხალხი ლოგიკურად ფიქრობს, რომ სულ მცირე, ამ მოთხოვნას მხარს უჭერთ, უარეს შემთხვევაში კი, ისინი ფიქრობენ, რომ ეს მოთხოვნა, სულაც, თქვენი მოფიქრებულია", - წერდა ყაველაშვილი აშშ-ის ელჩს.
ამ საკითხს კელი დეგნანი გუშინვე გამოეხმაურა და თქვა, რომ ეს წერილი "სავსე იყო ტყუილებითა და კონსპირაციული თეორიებით" და ბოლომდე ვერ წაიკითხა.
"არ ვიცი, რამდენჯერ შეიძლება გავიმეორო იმ საკითხზე, რაზეც უკვე მრავალჯერ ითქვა, რომ არის ტყუილი, რომ თითქოს აშშ ან ვინმეს ომისკენ მიჰყავს საქართველო. აშშ-ს არ უნდა ომი და აკეთებს ყველაფერს იმისათვის, რომ ეს ომი არ გაგრძელდეს და დამთავრდეს. მზად არის ითანამშრომლოს ყველასთან, ვისაც აქვს მშვიდობისთვის მუშაობისა და ძალისხმევის გაწევის სურვილი", - თქვა დეგნანმა, როცა ყაველაშვილის წერილზე საუბრობდა.
დეპუტატებმა სოზარ სუბარმა, დიმიტრი ხუნდაძემ და მიხეილ ყაველაშვილმა, რომლებმაც 28 ივნისს დატოვეს მმართველი "ქართული ოცნების" რიგები, 29 ივნისს ერთობლივ განცხადებაში აღნიშნეს, რომ "არიან დიდი ძალები", რომლებსაც ქვეყნის დესტაბილიზაცია სურთ. პარტიიდან წასვლის მიზეზად და მიზნად ამ დეპუტატებს "საზოგადოების სიმართლით აღჭურვა" აქვთ დასახელებული.
უფრო ადრე, 14 ივნისს, სოზარ სუბარმა განაცხადა, რომ ყოფილი თუ მოქმედი დასავლელი მაღალჩინოსნების განცხადებები, შესაძლოა, მოსახლეობას უქმნიდეს განცდას, რომ აშშ-ის საქართველოს ომში ჩართვა სურს. დეპუტატმა დაასახელა კონკრეტული გვარებიც და თქვა, რომ მართალია, ისინი არ არიან აშშ-ის მოქმედი პოლიტიკოსები, თუმცა საზოგადოებრივი აზრის შექმნა შეუძლიათ.