თურქეთმა გახსნა მარცვლეულის საკოორდინაციო ცენტრი, კიევი ამბობს, რომ სამხრეთში სამი პორტი მუშაობს
თურქეთის ოფიციალურმა პირებმა გახსნეს ერთობლივი საკოორდინაციო ცენტრი უკრაინის მარცვლეულის ექსპორტისთვის და ვარაუდობენ, რომ გადაზიდვები მომავალ დღეებში დაიწყება. კიევი კიაცხადებს, რომ მუშაობა აღდგა შავი ზღვის სამ პორტში, რომლებიც დასახლებულ იქნა გაეროს შუამავლობით რუსეთთან ახლახან მიღწეულ შეთანხმებაში - რათა განახლდეს მოსკოვის შეჭრის გამო ბლოკირებული მარცვლეულის ექსპორტი.
ცენტრი 27 ივლისს გაიხსნა და მის ამოცანებს შორის იქნება უკრაინის მარცვლეულით დატვირთული გემების უსაფრთხო მოძრაობის უზრუნველყოფა განსაზღვრულ მარშრუტებზე, შავ ზღვაზე, ორივე მიმართულებით. ცენტრი ასევე უხელმძღვანელებს ამ გემების შემოწმებას აკრძალულ იარაღზე.
ანკარამ, რომელსაც ძლიერი კავშირები აქვს უკრაინასთანაც და რუსეთთანაც, ხელი შეუწყო ამ შეთანმების მიღწევას და ლიდერის როლი იკისრა მისი განხორციელების პროცესში.
"ცენტრში მომუშავე თანამშრომლებმა იციან, რომ მსოფლიოს მზერა მათკენაა მიმართული" - უთხრა თურქეთის თავდაცვის მინისტრმა, ჰულუსი აკარმა ჟურნალისტებს ცენტრის გახსნის დროს. "ვიმედოვნებთ, რომ ცენტრი მაქსიმალურ შესაძლებელ წვლილს შეიტანს ჰუმანიტარულ საჭიროებებსა და მშვიდობაში" - დასძინა მან.