“აი, ამ 300 ბავშვის ფსიქიკას თქვენ უმკურნალებთ? საოცარი ქაოსია სკოლაში, ყველა მშობელი ცდილობს მოძებნოს ალტერნატივა…”
ინტერნეტმომხმარებელი ნიკა მაია მესხი სოციალურ ქსელში პოსტს აქვეყნებს, რომელსაც News.ge უცვლელად გთავაზობთ:
თოდუას კლინიკა • Todua Clinicგანათლებისა და მეცნიერების სამინისტრო ეს არის ერთ-ერთი მშობლის პოსტი, ჩემი ტყუბებიც აქ დადიან 
იანვრამდე!)
იანვრამდე!)თთოდუას კლინიკა • Todua Clinic იმიჯის შელახვა არ გსურთ ხო?! პოსტი კარგად წაიკითხეთ ! აი, ამ 300 ბავშვის ფსიქიკას თქვენ უმკურნალებთ? ყოვლად უპასუხისმგებლო და ფულზე გაყიდული სკოლის ახალო “მფლობელები!”
“მოგესალმებით, ცოტა გრძელი პოსტი გამომივა მაგრამ გთხოვთ, ბოლომდე წაიკითხოთ!
ჩემი შვილი სწავლობს წმინდა ნიკოლოზის სახელობის სკოლაში (დიღომში). გასული წლის ბოლოს (2022 წლის 15 აგვისტოს) სკოლა გაყიდეს დამფუძნებლებმა. 2022 წლის სასწავლო წლის დასაწყისში სკოლაში მივედით და დავიწყეთ სწავლა ჩვეულ რეჟიმში. თუმცა, დადიოდა ხმები, რომ სკოლის ახალი დამფუძნებლები ფიქრობდნენ სკოლის დაკეტვას და საავადმყოფოდ გადაკეთებას. მიუხედავად ამისა, სკოლამ მიიღო ბავშვების ახალი ნაკადი – პირველი კლასი და გადასახადიც გააძვირა . ადმინისტრაციასთან არაერთხელ მივედით სკოლის სხვადასხვა კლასის მშობლები და ვიკითხეთ იკეტებოდა თუ არა ჩვენი სკოლა. ადმინისტრაცია კატეგორიულად უარყოფდა ამ ფაქტს და პირიქით გვაიმედებდა, რომ იგეგმებოდა გაფართოება და სკოლის ინფრასტუქტურის გაუმჯობესება.
2022 წლის 31 ოქტომბერს, 12:00 საათზე, კლასის ჩატში დამრიგებელი გვწერს, რომ სასწრაფოდ, 13:00 საათზე,უნდა გამოვცხადდეთ სკოლაში, სკოლის ადმინისტრაციას სურს გასაუბრება მშობლებთან. დამრიგებლები, სკოლის სხვა პერსონალი და მასწავლებლები თავად შოკირებულნი იყვნენ ასეთი ფორსმაჟორით და არც შეკრების მიზეზები იცოდნენ.
აღნიშნულ შეხვედრაზე, სკოლის დამფუძნებლებთან ერთად, მოწვეული იყო მწვანე სკოლის დირექტორი ბაკურ სულაკაურიც. სკოლის დამფუძნებლებმა გამოგვიცხადეს, რომ სკოლა გაკოტრდა და იანვრიდან ჩვენი სკოლის ყველა კლასი გადადის მწვანე სკოლის ახალ ფილიაში – დიდ დიღომში. თუ არ გვსურს მწვანე სკოლაში გადასვლა, სადაც გვინდა იქ უნდა წავიყვანოთ ჩვენი შვილები. ყველამ კარგად იცით რა რთულია შუა სასწავლო წელს სკოლის ცვლილება! სკოლის დაკეტვის მიზეზად დაგვისახელეს სკოლის გაკოტრება, თუმცა მშობლებს არ წარმოგვიდგინეს არც გაკოტრების საქმე, არც აუდიტის დასკვნა. ჩვენი სკოლის ახალი დამფუძნებლები არიან თოდუას კლინიკის მფლობელები და სკოლა სწორედ ამ მიზნით შეიძინეს, რომ მომავალში გადააკეთონ საავამდყოდოთ.
ანუ, ფაქტობრივად იძულებულს გვხდიან დავტოვოთ სკოლა და მოგვწონს თუ არ მოგვწონს გადავიდეთ მწვანე სკოლის დიდი დიღმის ფილიალში. გამოუვალ მდგომარეობაში ჩაგვაყენეს.
ასევე, არცერთი მასწავლებელი არ იყო საქმის კურსში, რომ სკოლას ლიკვიდაციას უპირებდნენ და ფაქტობრივად თოდუას კლინიკის მეპატრონეებმა არც პედაგოგებზე, არც ბავშვებზე და საერთოდ არავიზზე არ იფიქრეს საკუთარი ბიზნესის გარდა.!
აღნიშნულ შეხვედრაზე, კიდევ უფრო დამამცირებელი იყო აღშფოთებული მშობლების კითხვებზე, თოდუას კლინიკის წარმომადგენლების ირონიული ღიმილი. თურმე ჩვენთვის სასიკეთოდ გადაწყვიტეს დიდ დიღომში ჩვენი გადაყვანა და ჩვენზე იზრუნეს!
საოცარი ქაოსია სკოლაში, ყველა მშობელი ცდილობს მოძებნოს ალტერნატივა და დიღომში არსებული კერძო სკოლები ვერ აუდიან წმინდა ნიკოლოზის სკოლიდან მისული მშობლების ნაკადს.
ასე ვერაგულად, გაუფრთხილებლად, შუა წელში გვიკეტავენ სკოლას და არჩევანიც მინიმუმანდე არის დასული. ყველა ნორმალური სკოლა დაკომპლექტებულია და ადგილები თითქმის არსად არ არის!
დაახლოებით 300 ბავშვი სწავლობს წმინდა ნიკოლოზის სახელობის სკოლაში. 300 ბავშვია არის დასტრესილი, ატირებული! ცოდვის ტირილია სკოლაში. ყოველდღე ცრემლიანი მასწავლებლები, მშობლები და ბავშვები ხვდებიან ერთამანეთს და საგონებელში ვართ! რა ვუყოთ ჩვენს შვილებს.
მწვანე სკოლის დიდი დიღმის ფილიალი ჩვენი სკოლის უმეტესი ნაწილისთვის არის მიუღებელი. ამით არანაირად არ ვაკნინებთ მწვანე სკოლას, უბრალოდ ჩვენი არჩევანი იყო წმინდა ნიკოლოზის სახელობის სკოლა და არა რომელიმე სხვა…
დასკვნა თქვენთვის მომინდვია…”
პ.ს. დავამატებ: სკოლას ავტორიზაცია 7 ივლისამდე აქვს! მანამდე უნდათ ხელები დაიბანონ, ჩაფარცხონ ეს ყველაფერი და სუფთად და თავაწეულებებმა განაგრძონ ბიზნესის კეთება!