რა გავლენას ახდენს სტრესი ადამიანზე
თუ სტრესული მდგომარეობა ერთხელ მაინც გამოგიცდიათ, მაშინ გეცოდინებათ, რომ ის უარყოფითად აისახება როგორც ფიზიკურ, გონებრივ ჯანმრთელობაზე. იწვევს თავის ტკივილს, კუნთების დაჭიმულობას, უსიამოვნო შეგრძნებებს. ნერვული სისტემის დაზიანება, თავის მხრივ, აზიანებს იმუნიტეტს.
თუ სტრესსა და დეპრესიას ქრინიკული სახე აქვს და ადამიანს აწუხებს მისით გამოწვეული პანიკური შეტევები, შესაძლოა, შეექმნას მეხსიერების პრობლემები. ამიტომ აუცილებელია მიმართოთ სპეციალისტს, თუ დამოუკიდებლად არ შეგიძლიათ ამ ყველაფერს გაუმკლავდეთ.
სტრესს დადებითი ეფექტიც შეიძლება ჰქონდეს. ამას კი “გამოღვიძება” ეწოდება. როდესაც ადამიანი აანალიზებს, რომ გარემო მასზე უარყოფითად მოქმედებს და საკუთარი თავის გადასარჩენად უნდა იბრძოლოს. ბუნებრივად ამ სიტუაციასთან გამკლავება შეგიძლიათ ვარჯიშით, სწორი კვებით, საყვარელი აქტივობების კეთებით, სოციალიზაციით, სწორი ძილის რუტინით. ხშირად იარეთ ფეხით, მიიღეთ საკმარისი რაოდენობით წყალი. შეამცირეთ კოფეინის, თამბაქოს, ალკოჰოლის მიღების დოზა ან ეცადეთ ამოიღოთ ისინი მოხმარებიდან.
რაც ყველაზე მთავარია, ნებისმიერ მომენტში, შეინარჩუნეთ სიმშვიდე. თუ პანიკური შეტევა გაქვთ, კონცენტრირდით თქვენ გარშემო არსებულ რეალურ საგნებზე, დააკვირდით და აღიქვით თითოეული დეტალი. ეს დაგეხმარებათ, მიხვდეთ, რომ თქვენი შიშები არარეალურია და მათ არ უნდა მისცეთ საშუალება, გმართონ. მთავარია დადებითი განწყობა შეინარჩუნოთ და უთხრათ, საკუთარ თავს, რომ ძლიერი ხართ.
წყარო/ფოტო: Everyday Health