მედია: “ფაბრიკაში” ქალზე ძალადობის ბრალდებით რუსეთის მოქალაქე დააკავეს
შინაგან საქმეთა სამინისტროს ცნობით, თბილისში 12 ნოემბერს “ფაბრიკის” ტერიტორიაზე მომხდარი ქალზე ძალადობის ბრალდებით, ერთი პირი დააკავეს. “რადიო თავისუფლების” ინფორმაციით, ის რუსეთის მოქალაქეა.
ინციდენტის შესახებ ფეისბუქზე წერს მოქალაქე ანა ჯაფარიძე. იგი დეტალურად აღწერს ძალადობის სცენას და მის შემდეგ განვითარებულ მოვლენებს. მისი ინფორმაციით, გამოძიება იმავე საღამოს დაიწყო.
“ფაბრიკაში ერთი ჩვეულებრივი პარასკევი საღამო, 23:00 საათი, 3 გოგონა ( 20 დან 23 წლამდე ) მოსულია ერთმანეთთან საურთიერთოდ და ისტორიების მოსაყოლად
ამ დროს მოდის საკმაოდ არაფხიზელ მდგომარეობაში სლავური გარეგნობის ბიჭი ერთ-ერთ გოგონასთან,
უნდა რომ წაეცეკვოს, გოგონა უარს ეუბნება, ამ დროს ბიჭი ხელებს კიდებს გოგონას და და მისკენ იზიდავს, გოგონა უძალიანდება
ბიჭი იწევს თმებისკენ და ისე ებღაუჭება რომ 4 ადამიანი ცდილობს გოგონა გამოგლიჯოს ბიჭს, ამ გაწევ გამოწევაში ბიჭი ძირს ეცემა, მაგრამ გოგონას თმაში ხელს არ უშვებს, ორივე ძირს ვარდებიან და მიუხედავად ხალხის ძალისხმევისა, ბიჭი გოგონას ძირს თმებით ათრევს
როგორც იქნა მოვიდა დაცვა და ბიჭი გაათრიეს, გოგონა შოკურ მდგომარეობაში და ამ წამამდე როცა მე ამ სტატუსს ვწერ პანიკური შეტევა აქვს…
მოვიდა პოლიცია, სასწრაფო, გამოძიება დაიწყო ძალადობის მუხლით, მაგრამ პოლიცია ამ წამამდე სვამს კითხვებს გოგოს მისამართით
– ფხიზელი იყავით?
– რის ნიადაგზე მოხდა ძალადობა ?
მესმის რომ ალბათ ეს თქვენი დამპალი პროტოკოლია, მაგრამ ხო შეიძლება სიტუაციურად იმოქმოდოთ და თან იცით რომ მოძალადე ნაბიჭვარი რუსია ( დააკავეს და რუსული პასპორტი აღმოაჩნდა) და გოგო ქართველი !!!!!
საშიშია ამ ქვეყანაში ცხოვრება, საშიშია ქალად ყოფნა, საშიშია არსებობა !
Update: მოყვანილი ყავთ გოგო საგამოძიებო ორგანოში და ისმის კითხვები:
– იქნება უბრალოდ კოცნა უნდოდა, ან ცეკვა?!!! – გოგო არის მარტო ამ მგლების ხროვაში და შიგნით არავის აღარ გვიშვებენ – ეს ინფორმაციაც მისმა მეგობარმა გამოიტანა, რომელიც გამოვიდა და უკან აღარ უშვებენ!
ვართ შსს-ში, კახეთის გზატკეცილზე.
Update: გოგონა გამოვიდა დაკითხვიდან, მაგრამ გვითხრა რომ, როგორც შიგნით მოისმინა, ამ ნაძირალას ჯარიმის საფუძველზე გაანთავისუფლებენო,
თვითონ არ აპირებს რა თქმა უნდა გაჩერებას, სასამართლოში ჩივილს და ამ
ამბის ბოლომდე მიყვანას აპირებს, ჩვენც ყველა მის გვერდით ვართ რა თქმა უნდა.
გამორიცხულია ეს ნაძირალა დაუსჯელი დარჩეს!
Update: რამოდენიმე გამოხმაურება იყო, თუ რატომ დავაკონკრეტე ეროვნება ამ ამბის
მოყოლისას, თუ ვინმე ვერ მიხვდა მინდა ავხსნა,
აქ დგას ძალიან სერიოზული ორი პრობლემა, როგორც ცალსახად ქალზე ძალადობა მამაკაცის მხრიდან და მეორე პრობლემა, კონკრეტულად რუსი ეროვნების ადამიანის ძალადობა ქართველზე!
ამას ხაზი იმიტომ გავუსვი, რომ სრული განუკითხაობაა, ვინ შემოდის, ვინ ცხოვრობს, რას სჩადიან ამ ოკუპანტი ქვეყნის წამომადგენლები ჩვენს ქვეყანაში და ზოგადად რამდენის უფლებას აძლევენ თავს!
და რომ ეს ზუსტად ჩვენი ნაძირალა მთავრობის და თითოეული მოქალაქის ბრალია ვინც მათ ფეხქვეშ ეფინება!
გამოფხიზლდით ხალხნო!” – წერს მოქალაქე ანა ჯაფარიძე სოციალურ ქსელში.