სულ მცირე 20 ადამიანი დაიღუპა პაკისტანში მომხდარი ავარიის შედეგად
სულ მცირე 20 ადამიანი, მათ შორის 11 ბავშვი დაიღუპა სამხრეთ პაკისტანში მას შემდეგ, რაც სამგზავრო ავტობუსი ნახევრად დატბორილ თხრილში ჩავარდა.
ადგილობრივმა ოფიციალურმა წარმომადგენელმა ფარიდუდინ მუსტაფამ რადიო თავისუფლებას უთხრა, რომ შემთხვევის შედეგად კიდევ 10 ადამიანი დაშავდა. მუსტაფას თქმით, შემთხვევა სინდჰის პროვინციაში გვიან ღამით მოხდა. "მძღოლმა გზაზე ამკრძალავი ნიშანი ვერ დაინახა და ამიტომ ავტობუსი ქალაქ სეჰვან შარიფთან რვა მეტრის სიღრმეში ჩავარდა". პაკისტანში მსოფლიოში ერთ-ერთი ყველაზე მაღალია საავტომობილო მოძრაობის დროს ადამიანების დაღუპვის სტატისტიკა, რაც ცუდი გზებითა და ავტომობილების მართვის დროს მძღოლების უყურადღებობით არის გამოწვეული.
ჯანდაცვის მსოფლიო ორგანიზაციის შეფასებით, 2018 წელს პაკისტანის გზებზე 27 000-ზე მეტი ადამიანი დაიღუპა.