ვოლოდიმირ ზელენსკი: უკრაინამ რუსეთს საინფორმაციო ომი მოუგო
უკრაინის პრეზიდენტი ვოლოდიმირ ზელენსკი აცხადებს, რომ უკრაინამ საინფორმაციო სივრცეში რუსეთის დამარცხება შეძლო.
მისივე თქმით, სიმართლეს დეზინფორმაციასთან ბრძოლა ყოველთვის უჭირს, თუმცა უკრაინა ამ ბრძოლის ველზეც ძლიერი იყო.
„სოციალური მედია არის ბრძოლისა და შესაძლებლობების ველი. რუსეთმა ეს გამოიყენა და დეზინფორმაციას აწვდიდა აფრიკის, აზიის ბევრ ქვეყანას, ძლიერი გავლენა იქონია ისრაელზე, გერმანიაზე, ევროკავშირის ბევრ ქვეყანაზე და მათი დეზინფორმაციის არხები მუშაობდა შეერთებულ შტატებშიც კი.
სრულმასშტაბიანი ომის დაწყებისას უკრაინა მიხვდა, რომ საჭირო იყო ამ ინფორმაციული სიცრუის გარღვევა. უკრაინამ ეს გზა ძალიან კარგად გაიარა, თუმცა იგი ჯერ არ დასრულებულა. ინფორმაცია ჩვენს ხელში ძლიერი იარაღი გახდა, რუსეთს თავიდანვე მეტი იარაღი ჰქონდა ბრძოლის ველზე, მაგრამ ჩვენ შევძელით და საინფორმაციო სივრცეში ისინი დავამარცხეთ“, – განაცხადა ზელენსკიმ.