Reuters: რუსეთი ინდოეთს სთხოვს, დაეხმაროს ავტომობილების, თვითმფრინავებისა და მატარებლების სათადარიგო ნაწილებით
მოსკოვმა ინდოეთს 500-ზე მეტი პროდუქტის სია გაუგზავნა – რუსეთი ინდოეთს სთხოვს მიაწოდოს გარკვეული პროდუქტები, მათ შორის, მანქანების, თვითმფრინავებისა და მატარებლების ნაწილები, – ამის შესახებ „როიტერი“ 4 წყაროზე დაყრდნობით იუწყება.
მედიის ცნობით, სია, რომლის ვერსია გამოცემამ ნიუ დელიში ნახა, დროებითია და გაურკვეველია, რამდენი პროდუქტი იქნება ექსპორტირებული საბოლოოდ და რა რაოდენობით.
წყარომ, ინდოეთის მთავრობიდან განაცხადა, რომ მოთხოვნა უჩვეულო იყო თავისი მოცულობით.
„ინდოეთს სურს ამ გზით გააძლიეროს ვაჭრობა, რადგან ის ცდილობს შეამციროს რუსეთთან სავაჭრო დეფიციტი. თუმცა, ზოგიერთმა კომპანიამ გამოთქვა შეშფოთება დასავლეთის სანქციების პოტენციური დარღვევის გამო“, – აღნიშნავს წყარო.