ჩრდილოეთ ავღანეთში მდებარე ერთ-ერთ რელიგიურ სკოლაში აფეთქებას სულ მცირე 10 ადამიანი ემსხვერპლა
ჩრდილოეთ ავღანეთში მდებარე ერთ-ერთ რელიგიურ სკოლაში აფეთქებას სულ მცირე 10 ადამიანი ემსხვერპლა. ამის შესახებ „თალიბანი“ იტყობინება.
როგორც მედია წერს, აფეთქება სამანგანის პროვინცია აიბაკში ლოცვის დასრულების შემდეგ მოხდა.
ამასთან, BBC ოფიციალურ პირებზე დაყრდნობით ავრცელებს ინფორმაციას, რომ აფეთქების შედეგად 17 ადამაიანი დაიღუპა.
ადგილობრივი საავადმყოფოს ექიმის განცხადებით, დაღუპულთა უმეტესობა სკოლის მოსწავლეები იყვნენ.
თავდასხმაზე პასუხისმგებლობა არცერთ დაჯგუფებას არ აუღია.
შინაგან საქმეთა სამინისტროს სპიკერმა აბდულ ნაფი ტაკურმა განაცხადა, რომ „თალიბანის“ უსაფრთხოების ძალები იძიებენ თავდასხმას და პირობა დადო, რომ „გამოავლენენ დამნაშავეებს და დაისჯებიან მათ ქმედებებისთვის“.