ბრიტანული დაზვერვა: ნაკლებად სავარაუდოა, რომ რუსეთი დონეცკის ოლქში მნიშვნელოვან წარმატებას მიაღწევს
„დონეცკის ოლქში ოპერატიული წარმატების მისაღწევად მოსკოვს ნაკლებად სავარაუდოა, რომ საკმარისი რაოდენობის ჯარები ჰყავდეს“, – ამის შესახებ ბრიტანეთის თავდაცვის სამინისტროს სადაზვერვო დეპარტამენტის განცხადებაშია აღნიშნული.
ბრიტანული მხარის ინფორმაციით, შესაძლებელია, ბახმუტის მიმდებარე ტერიტორიაზე რუსეთმა მცირე წარმატებას მიაღწიოს, თუმცა კრიტიკული ცვლილებები მოსალოდნელი არ აირს.
„რუსეთი ქალაქ პავლივკასა და ვუჰლედარზე თავდასხმას აგრძელებს. დასახლებები დონეცკის სამხრეთ-დასავლეთით 50 კმ-ში მდებარეობენ. რუსების ცდილობენ, რომ აღნიშნულ ქალაქებსა და მთელ დონეცკის ოლქში მნიშვნელოვან წარმატებას მიაღწიონ, თუმცა ნაკლებად სავარაუდოა, რომ რუსეთი ამ ოლქში უკრაინული ძალების თავდაცვის გარღვევას შეძლებს“, – აღნიშნულია ბრიტანული დაზვერვის განცხადებაში.