მეუფე სტეფანე: სინოდი არასდროს არ მალავს არაფერს, უბრალოდ წინასწარ სალაყბოს არაფერს არ ვხდით
ჭყონდიდის, ცაგერისა და ლენტეხის მიტროპოლიტმა სტეფანემ მოახლოებულ სინოდის სხდომასთან დაკავშირებით კომენტარი გააკეთა.
მეუფე სტეფანემ აღნიშნა, რომ განცხადება სინოდის სხდომის შემდეგ გაკეთდება და განსახილველ თემებზე მანამდე საჯაროდ არ ისაუბრებენ.
„ყველაფერი გამოქვეყნდება სინოდის შემდეგ. ჩვენთან, ეკლესიაში, დემოკრატია არ არის, ეკლესიაში არის თეოკრატია და თეოკრატიის მთავარი მიმართულება ღვთის ნებით მოქმედებაა. აქედან გამომდინარე, ჩვენ რა იქნება დღის წესრიგში, ასე სალაყბოზე გამოტანა არ გვინდა. როცა ყველაფერი დასრულდება, ყველაფერი ნათლად გამოცხადდება. მე რაც იქნება ფაქტი, იმაზე კომენტარს გავაკეთებ. რაღაც ინფორმაცია მაქვს, რაღაც არა, მაგრამ არა სათქვენოდ. ჩვენ ვისაუბრებთ, გაირკვევა ყველაფერი და განცხადება გაკეთდება. სინოდი არასდროს არ მალავს არაფერს, უბრალოდ წინასწარ სალაყბოს არაფერს არ ვხდით“, – განაცხადა მეუფე სტეფანემ.