კვიპროსის საპრეზიდენტო არჩევნებში გაიმარჯვა ნიკოს ქრისტოდულიდისმა
მეორე ტურში, 12 თებერვალს, ხმების 97% დათვლის შემდეგ 49 წლის კონსერვატორმა პოლიტიკოსმა ხმების 51,8% მოიპოვა, იტყობინება სახელმწიფო რადიო შინაგან საქმეთა სამინისტროზე დაყრდნობით. საარჩევნო უბნები საღამოს 6 საათზე დაიხურა. პირველმა ტურმა, გასულ კვირას ვერ გამოავლინა აშკარა გამარჯვებული. მისმა მეტოქემ, დიპლომატმა ანდრეას მავროგიანისი, რომელსაც მხარს უჭერს მემარცხენე AKEL-ის პარტია, ხმების 48,2% მიიღო და აღიარა დამარცხება, ნათქვამია ცნობაში.
კვიპროსში, პრეზიდენტი, რომელსაც ხალხი ირჩევს, ნიშნავს და ხელმძღვანელობს მთავრობას.
მოქმედი პრეზიდენტი ნიკოს ანასტასიადესი ორი ხუთწლიანი ვადის შემდეგ აღარ იყრიდა კენჭს.
არჩევნები ჩატარდა მხოლოდ კუნძულის სამხრეთ ნაწილში. კენჭისყრაში მონაწილეობა არ მიუღია კვიპროსის ჩრდილოეთში მცხოვრებ თურქულ მოსახლეობამ.
კვიპროსი ევროკავშირის წევრია 2004 წლიდან, მაგრამ ევროკავშირის კანონები და რეგულაციები მოქმედებს მხოლოდ კვიპროსის ბერძნულ ნაწილში.
არჩევნებში ხმის მიცემის უფლება დაახლოებით 560 000 ადამიანს ჰქონდა.