თეთრი სახლი: ჯო ბაიდენს უკრაინაში ვიზიტისას რუსეთისგან უსაფრთხოების გარანტიები არ მიუღია
თეთრი სახლი აცხადებს, რომ აშშ-ის პრეზიდენტ ჯო ბაიდენს უკრაინაში ვიზიტის დროს რუსეთისგან უსაფრთხოების გარანტიები არ მიუღია.
აშშ-ის ოფიციალური პირების განცხადებით, რუსეთმა ბაიდენის მოგზაურობის შესახებ უბრალოდ ინფორმაცია წინასწარ მიიღო.
ცნობისთვის, 20 თებერვალს გავრცელდა ინფორმაცია, რომ აშშ-ის პრეზიდენტის, ჯო ბაიდენის ვიზიტი კიევში რუსეთის ხელისუფლებასთან იყო შეთანხმებული.
მანამდე კი რუსეთის პროპაგანდისტულ გადაცემებში ექსპერტები ამბობდნენ, რომ ბაიდენის ვიზიტი ყველა ვარიანტში იყო მოსკოვთან შეთანხმებული და რომ რუსეთს, რა თქმა უნდა, ბაიდენის ფიზიკური ლიკვიდაცია შეეძლო.