დავით ქართველიშვილი: რატომღაც ვამაყობდი თანამედროვე საზრიანი ახალგაზრდებით, მეგონა, რომ …

„ხალხის ძალის“ წევრი დავით ქართველიშვილი გამოეხმაურა „რესპუბლიკური პარტიის“ წევრის, ხათუნა სამნიძის განცხადებას, რომელიც მან კანადაში უცხოური გავლენის აგენტის რეესტრის შექმნის შესახებ დასმული კითხვის საპასუხოდ თქვა:

„ნუღარ შეისწავლი, ტაქტიკა შერჩეული გაქვთ უკვე – უსამშობლო ლაქიების შესაფერისი, მონური. ზოგმა დაწერა უკვე – სად კანადა და სად საქართველოო. ზოგმა რაღაც დემოკრატიის ინდექსები მოიშველია – კანადას ათი ქულა აქვსო, საქართველოს კიდევ ხუთიო რა ინდექსი, საიდან მოიტანეთ? ანუ დაბოლების მასტერ-კლასი in action.
ზოგმა საერთოდ სასწაული თქვა – კანადას ერთადერთი ვისი ეშინიაო, ჩინეთია. ამიტომ მხოლოდ ჩინეთის, და არა ზოგადად უცხოური გავლენის გამჭვირვალობაზე განიხილავს კანონპროექტს, თორემ ზოგადი რომ ყოფილიყო – „იასნია“ რომ „რუსული“ იქნებოდა, ახლა კი, „დაჟე“ კანადურიც არაა, „ანტიჩინურია“.
რატომღაც ვამაყობდი თანამედროვე საზრიანი ახალგაზრდებით, მეგონა, რომ კრიტიკული აზროვნებით ჩვენზე მეტად დაჯილდოებული არიან – გადამოწმება უყვართ მეთქი: ხომ არ გვაბოლებენ, ხომ არ გვიყენებენ, ხომ არ მანიპულირებენ ჩვენით. ვცდებოდი – გამაძღარმა უსამშობლო დამკვეთებმა გამოგიყენეს და უხერხულ მდგომარეობაში მიგატოვეს.
იმედია, კითხვა მაინც გიყვართ. რა თქმა უნდა, მხოლოდ ინგლისურად! მაშინ შემოგთავაზებთ ცნობილი ინგლისელი პუბლიცისტის, კონსერვატორის, დუგლას მიურეის 2019 წლის ბესტსელერს: „The Madness of Crowds: Gender, Race and Identity“ (ბრბოს სიგიჟე), ძალიან საინტერესოა. განსაკუთრებით ავტორის პიროვნების თვალსაზრისით: ანგლიკანური კოლეჯის კურსდამთავრებული ათეისტია და არატრადიციული სექსუალური ორიენტაციის კონსერვატორი. ეს მაინც წაიკითხეთ, თორემ „სიბრძნე სიცრუისა“ ან „სახარება“ რომ შემოგთავაზოთ – ესენიც ხომ „იავნათ“ – „რუსული“ ნარრატივია“, – აღნიშნავს დავით ქართველიშვილი.