"პარტნიორობა ადამიანის უფლებებისთვის" დახმარებას ითხოვს
არასამთავრობო ორგანიზაცია "პარტნიორობა ადამიანის უფლებებისთვის", რომელიც წლების განმავლობაში სექსუალური ძალადობის მსხვერპლი ბავშვების, ძალადობის მსხვერპლი ქალების, შშმ ბავშვებისა და ფსიქიატრიული დაწესებულებების ბენეფიციარების უფლებებს იცავდა, დახმარებას ითხოვს. ორგანიზაცია დღეს ფინანსური პრობლემების გამო ვერ იხდის კომუნალურ გადასახადებსაც კი, რომელიც მათთვის ისეთივე მაღალია, როგორ მოგებაზე ორიენტირებული კომპანიებისთვის.
"ჩვენ ვარ სრულად დამოკიდებული დონორების შემოწირულობებზე და გრანტებზე. არანაირი დამატებითი შემოსავალი არ გაგვაჩნია... ჩვენ არ ვართ დიდი ზომის ორგანიზაცია, 10-12 ადამიანი მუშაობს, ყველაზე დიდი ხარჯი რაც არის, სხვადასხვა რეგიონში სასამართლო საქმეების წარმოებაა: ტრანსპორტირება, ღამის გათენების ხარჯი, ოფისის ქირა და ხელფასები. უბრალოდ რომ ვარსებობდეთ, თვეში 10 ათასი დოლარის ხარჯი გვაქვს", - უთხრა ორგანიზაციის ერთ-ერთმა ხელმძღვანელმა, ანა აბაშიძემ რადიო თავისუფლებას.
"პარტნიორობა ადამიანის უფლებებისთვის" მუშაობის განმავლობაში არაერთ მნიშვნელოვან საკითხზე აწარმოებდა სასამართლო დავას. ამ ორგანიზაციის სასამართლო სარჩელით გაიყვანეს ნინოწმინდის ბავშვთა პანსიონატიდან ბავშვები - ეს არის დაწესებულება, რომელშიც უფლებრივი მდგომარეობის პრობლემებზე სახალხო დამცველი არაერთ ანგარიშში აღნიშნავდა.
"ვმუშაობთ იმ ადამიანებისთვის, ვისაც ყველაზე ნაკლებად მიუწვდებათ რესურსებზე ხელი და სამწუხაროდ, არასამთავრობო ორგანიზაციებიდანაც ყველაზე ნაკლები იხარჯება. ვცდილობთ, იქ ვიყოთ, სადაც ნაკლებად არიან და მეტად ვჭირდებით", - ამბობს აბაშიძე.
ამ ორგანიზაციის დახმარებით მოუგეს სახელმწიფოს დავა ბავშვებმა, რომელებიც დედას სიღარიბის გამო ჩამოართვეს. PHR-ი იცავს იმ ბავშვის უფლებებსაც, რომელსაც მეზობლები ვაშლის მოკრეფის გამო ფიზიკურად გაუსწორდნენ და მორალური შეურაცხყოფა მიაყენეს. არცერთ სასამართლო დავაში ორგანიზაციას ანაზღაურება არ მიუღია.
"გვინდა გაცნობოთ, რომ 2023 წლის მარტის თვეში, ორგანიზაციას ესაჭიროება მეგობრების თანადგომა რათა შეძლოს ბავშვების, ქალების და შშმ პირებისთვის დახმარების გაგრძელება ოფისის პირობებში, რადგან მსგავსი მომსახურების გაწევა ონლაინ რეჟიმში ბევრ სირთულეს შექმნის როგორც ამ ჯგუფებისთვის, ისევე ორგანიზაციის ადვოკატებისთვის", - წერია ორგანიზაციის ფეისბუკგვერდზე.
ანა აბაშიძე ამბობს, რომ გაუხარდება ნებისმიერი კერძო კომპანიისა თუ მოქალაქისგან დახმარების მიღება.
"ჩვენი ორგანიზაცია არ იღებს დონაციას პოლიტიკური პარტიებისგან, ასევე არ ვიღებთ დაფინანსებას კორუფციულ საქმიანობაში შემჩნეული კომპანიებისგან და კანონმდებლობით გათვალისწინებულ სხვა შემთხვევაში. რადგან გვსურს ორგანიზაციის საქმიანობას, რეპუტაციას და პატიოსნებას არ შეექმნას საფრთხე", - აღნიშნულია ორგანიაზციის განცხადებაში.
"ჩვენ ვარ სრულად დამოკიდებული დონორების შემოწირულობებზე და გრანტებზე. არანაირი დამატებითი შემოსავალი არ გაგვაჩნია... ჩვენ არ ვართ დიდი ზომის ორგანიზაცია, 10-12 ადამიანი მუშაობს, ყველაზე დიდი ხარჯი რაც არის, სხვადასხვა რეგიონში სასამართლო საქმეების წარმოებაა: ტრანსპორტირება, ღამის გათენების ხარჯი, ოფისის ქირა და ხელფასები. უბრალოდ რომ ვარსებობდეთ, თვეში 10 ათასი დოლარის ხარჯი გვაქვს", - უთხრა ორგანიზაციის ერთ-ერთმა ხელმძღვანელმა, ანა აბაშიძემ რადიო თავისუფლებას.
"პარტნიორობა ადამიანის უფლებებისთვის" მუშაობის განმავლობაში არაერთ მნიშვნელოვან საკითხზე აწარმოებდა სასამართლო დავას. ამ ორგანიზაციის სასამართლო სარჩელით გაიყვანეს ნინოწმინდის ბავშვთა პანსიონატიდან ბავშვები - ეს არის დაწესებულება, რომელშიც უფლებრივი მდგომარეობის პრობლემებზე სახალხო დამცველი არაერთ ანგარიშში აღნიშნავდა.
"ვმუშაობთ იმ ადამიანებისთვის, ვისაც ყველაზე ნაკლებად მიუწვდებათ რესურსებზე ხელი და სამწუხაროდ, არასამთავრობო ორგანიზაციებიდანაც ყველაზე ნაკლები იხარჯება. ვცდილობთ, იქ ვიყოთ, სადაც ნაკლებად არიან და მეტად ვჭირდებით", - ამბობს აბაშიძე.
ამ ორგანიზაციის დახმარებით მოუგეს სახელმწიფოს დავა ბავშვებმა, რომელებიც დედას სიღარიბის გამო ჩამოართვეს. PHR-ი იცავს იმ ბავშვის უფლებებსაც, რომელსაც მეზობლები ვაშლის მოკრეფის გამო ფიზიკურად გაუსწორდნენ და მორალური შეურაცხყოფა მიაყენეს. არცერთ სასამართლო დავაში ორგანიზაციას ანაზღაურება არ მიუღია.
"გვინდა გაცნობოთ, რომ 2023 წლის მარტის თვეში, ორგანიზაციას ესაჭიროება მეგობრების თანადგომა რათა შეძლოს ბავშვების, ქალების და შშმ პირებისთვის დახმარების გაგრძელება ოფისის პირობებში, რადგან მსგავსი მომსახურების გაწევა ონლაინ რეჟიმში ბევრ სირთულეს შექმნის როგორც ამ ჯგუფებისთვის, ისევე ორგანიზაციის ადვოკატებისთვის", - წერია ორგანიზაციის ფეისბუკგვერდზე.
ანა აბაშიძე ამბობს, რომ გაუხარდება ნებისმიერი კერძო კომპანიისა თუ მოქალაქისგან დახმარების მიღება.
"ჩვენი ორგანიზაცია არ იღებს დონაციას პოლიტიკური პარტიებისგან, ასევე არ ვიღებთ დაფინანსებას კორუფციულ საქმიანობაში შემჩნეული კომპანიებისგან და კანონმდებლობით გათვალისწინებულ სხვა შემთხვევაში. რადგან გვსურს ორგანიზაციის საქმიანობას, რეპუტაციას და პატიოსნებას არ შეექმნას საფრთხე", - აღნიშნულია ორგანიაზციის განცხადებაში.