პროდუქტები, რომლებიც გონების მუშაობას აუმჯობესებს
ტვინი ჩვენი ორგანიზმის მთავარი მამოძრავებელი ძალაა. იგი პასუხისმგებელია ყველა ორგანოზე და მათ ჯანსაღ ფუნქციონირებაზე. მისი საშუალებით ვმოძრაობთ, ვსუნთქავთ, ვფიქრობთ. ამიტომ მნიშვნელოვანია, მივიღოთ ისეთი საკვები, რომლებიც გონების მუშაობას ხელს შეუწყობს და დადებითად იმოქმედებს მასზე.
ასეთ დროს პირველი პროდუქტი, რაც გვახსენდება, არის თევზი. ომეგა 3-ით მდიდარი საკვები, რომელიც აგებს უჯრედულ ქსელებს, აუმჯობესებს მეხსიერებას, სწავლის ხარისხს და მხედველობას.
სასარგებლოა ყავის მირთმევაც, რა თქმა უნდა, ზომიერი რაოდენობით. კოფეინითა და ანტიოქსიდანტებით მდიდარი სასმელი გვავსებს ენერგიით, აუმჯობესებს განწყობას და კონცენტრაციის უნარს.
გოგრის მარცვლები ძალიან ძლიერ ანტიოქსიდანტებს შეიცავს, რომლებიც სხეულსა და გონებას დაზიანებისგან იცავს. მდიდარია რკინით, თუთიით, მაგნიუმით.
ფორთოხალი, რომელიც დიდი რაოდენობით C ვიტამინს შეიცავს, აუმჯობესებს ფოკუსირების, მეხსიერების, კონცენტრირების უნარს, ხელს უწყობს გადაწყვეტილების სწრაფად მიღებას. ისეთი მენტალური დაავადებების რისკსაც კი ამცირებს, როგორიცაა შფოთვა და დეპრესია.
გონების მუშაობას აუმჯობესებს აგრეთვე შავი შოკოლადი, თხილეული, კენკრა, ბროკოლი, კვერცხი და სხვა ჯანსაღი ხილი თუ ბოსტნეული.
წყარო/ფოტო: Health Line