ჩინეთის საგარეო საქმეთა მინისტრი ცინ განი: ოფიციალური პეკინი არ აპირებს უკრაინაში მიმდინარე ომის რომელიმე მონაწილეს იარაღი მიაწოდოს
ჩინეთის საგარეო საქმეთა მინისტრი ცინ განი აცხადებს, რომ ოფიციალური პეკინი არ აპირებს უკრაინაში მიმდინარე ომის რომელიმე მონაწილეს იარაღი მიაწოდოს.
მედიის ინფორმაციით, ცინ განი ჩინეთის ყველაზე მაღალი თანამდებობის პირველი პირია, რომელმაც რუსეთისთვის იარაღის მიწოდების შესახებ ვარაუდები საჯაროდ უარყო.
ამასთან, მან კიდევ ერთხელ განაცხადა, რომ პეკინი მზად არის, კონფლიქტის მშვიდობიან მოგვარებაში საკუთარი წვლილი შეიტანოს.
„რაც შეეხება სამხედრო დანიშნულების საქონლის ექსპორტს, ჩინეთს გონივრული და პასუხისმგებლიანი პოზიცია აქვს. ჩვენ არ მივაწვდით იარაღს კონფლიქტის მხარეებს, ასევე გავაკონტროლებთ ორმაგი დანიშნულების საქონლის ექსპორტს, წესებისა და კანონების მიხედვით“, – განაცხად მან.