აშშ: რუსეთსა და ჩრდილოეთ კორეას შორის იარაღზე ნებისმიერი შეთანხმება დაარღვევს გაეროს რეზოლუციებს
აშშ-ის განცხადებით, რუსეთი გაეროს რეზოლუციებს დაარღვევს, თუ ჩრდილოეთ კორეასთან იარაღზე გააფორმებს შეთანხმებას.
"ჩრდილოეთ კორეასა და რუსეთს შორის უსაფრთხოების სფეროში ნებისმიერი თანამშრომლობა ან იარაღზე შეთანხმება ნამდვილად დაარღვევს გაეროს უშიშროების საბჭოს რამდენიმე რეზოლუციას", - თქვა სახელმწიფო დეპარტამენტის პრესმდივანმა ვედანტ პეიტელმა 15 აგვისტოს.
მანამდე რუსეთის პრეზიდენტმა, ვლადიმირ პუტინმა და ჩრდილოეთ კორეის ლიდერმა, კიმ ჩენ ინმა ცალ-ცალკე განაცხადეს კავშირების გაღრმავებაზე.