რუსეთმა რაკეტებით და დრონებით შეუტია უკრაინის სამხრეთს
25 სექტემბერს, რუსეთმა რაკეტებით და უპილოტო საფრენი აპარატებით მიიტანა იერიში უკრაინის სამხრეთზე. თავდასხმის გამო გამოცხადებული იყო საჰაერო განგაში, რომლის დროსაც მოქალაქეები თავშესაფრებში უნდა გადავიდნენ.
ოდესის საოლქო-სამხედრო ადმინისტრაციის წინასწარი ინფორმაციით, დარტყმა იყო საპორტო ინფრასტრუქტურაზე. ქალაქ ოდესაში დაზიანებულია რამდენიმე შენობა. დაშავდა 1 ადამიანი.
უკრაინის თავდაცვის ძალების სამხრეთის სარდლობის წინასწარი მონაცემებით, რუსეთმა გამოიყენა 19 უპილოტო საფრენი აპარატი და 12 ფრთოსანი რაკეტა. სარდლობის თანახმად, საჰაერო თავდაცვის ძალებმა გაანადგურეს 19-ვე დრონი და 2 რაკეტა.