Батысқазақстандық қос оқушы республикалық слетте жеңімпаз атанды (ФОТО)
ОРАЛ. ҚазАқпарат - Шымкент қаласында ҚР Тәуелсіздігінің 25 жылдығына орай өткізілген «Менің Отаным - Қазақстан» туристік-өлкетану экспедициялық жасақтарының республикалық слетінен БҚО командасы құрамында барған Ақжайық ауданы Алмалы ауылдық округіне қарасты Атамекен елді мекеніндегі Махамбет Өтемісұлы атындағы тоғызжылдық мектептің 8-сынып оқушылары Жандос Қадыржанов пен Көсем Құбашев жеңімпаз атанып қайтты.