Алматыдағы «Инновациялық технологиялар паркі» АЭА-да экономиканың жаңа бағыттары қалыптастырылатын болады
АЛМАТЫ. ҚазАқпарат - Қазақстанда инновациялық өндірісті дамыту және экономикада жаңа бағыттарды қалыптастыру үшін «Инновациялық технологиялар паркі» Арнайы экономикалық аймағына 2016 жылдан бастап трансұлттық компаниялар тартылатын болады. Бұл туралы бүгін Алматыда Қазақстан-Иран бизнес форумы барысында «Инновациялық технологиялар паркі» автономиялық кластерлік қорының бас директоры Санжар Кетебеков мәлімдеді.