Пермьдегі атыс кезінде зардап шеккендер мен қаза тапқандар туралы мәлімет жаңарды
Елдің Денсаулық сақтау министрлігі мәліметінше, зардап шеккен 24 адамға медициналық көмек көрсетіліп жатыр. Күдікті ұстау кезінде полицияға қарсылық көрсетіп, жараланған.
"Апат жағдайындағы федерал медицина орталығының жаңартылған жедел мәліметіне сәйкес, Пермь мемлекеттік университетінде болған оқиға салдарынан алты адам қаза тауып, 24 жараланған адамға медициналық көмек көрсетілді", - делінген хабарламада.
Посмотреть эту публикацию в Instagram
Публикация от Kaz.Tengrinews (@kaz.tengrinews)
Бұған дейін Ресейдің Пермь қаласындағы жоғары оқу орнында атыс болғаны хабарланған еді. Оқиға видеосы РЕН-ТВ Telegram-арнасында жарияланды. Куәгерлердің айтуынша, студенттер ғимарат терезесінен секірген. Сондай-ақ, видео кадрларынан атыс естіледі. Кейін атыс салдарынан 8 адам қаза тапқаны хабарланған болатын.
Қылмыстық іс "Адам өлтіру" бабы бойынша тергеледі. Пермь университетінде атыс шығарған адамды ұстау сәтінің видеосы Желіде жарияланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!