Мәншүк Мәметова туралы фильмнің түсірілімі аяқталды
АЛМАТЫ. ҚазАқпарат - Кеңес Одағының Батыры атағына ие болған алғашқы қазақ қызы Мәншүк Мәметованың өмірі мен ерліктері туралы деректі фильмнің түсірілімі аяқталды. Картина ҚР Мәдениет және спорт министрлігінің тапсырысы бойынша Ұлттық киноны қолдау мемлекеттік орталығының қолғабыс етуімен «Қазақфильм» киностудиясында түсірілді. Фильм «мүмкін емес сұхбат» жанрында түсірілген. Кадрда басты кейіпкер – Мәншүк Мәметованың өзі жоқ, дегенмен, көрермен оның кадрдан тыс дауысын ғана ести алады. «Менімен сөйлес, Мәншүк» фильмінің режиссері Мансұр Баймұхамбетов ҚазАқпарат тілшісіне жоба жайында айтып берді.