Қазақстандағы ең ұзын көпір құрылысы екі есе қымбаттады. Бұған әкім Даниал Ахметовтің не қатысы бар?
Шығыс Қазақстан облысындағы Бұқтырма суқоймасында салынып жатқан елдегі ең ұзын көпір құны биыл екі есе қымбаттап, 60 млрд теңгеден асты. Азаттық көпірді салып жатқан компанияға иелік етіп отырған екі кәсіпкер мен облыс әкімі Даниал Ахметовтің ұлы Талғат Ахметов бизнес-серіктес болғанын анықтады. Әкімдік жобаның қымбаттауына "нарық пен қосымша жол құрылысы себеп" дейді. 19 наурыздағы сайлаудан соң қос кәсіпкердің бірі мәжіліске, екіншісі ШҚО мәслихатына депутат болды.