«Астана Операда» ұлттық спектакльдерге арналған костюмдер қалай тігіледі
АСТАНА. KAZINFORM — «Астана Опера» театры репертуарының сәні — ұлттық спектакльдер. Тамаша музыка, дарынды орындаушылар, керемет декорациялар және, әлбетте, қазақ халқының рухани әрі материалдық мәдениетінің байлығын көрсететін костюмдер қайталанбас атмосфера туғызып, ерекше мақтаныш сезімін ұялатады. Еліміздің басты мерекесі — Наурыз мейрамы қарсаңында костюмдер бойынша дизайнер Дариға Тайшықова ұлттық опералар мен балеттердің жабдықтарын жасаудың сырымен бөлісті.