СІМ Бишімбаевтың сотына ресейлік журналистердің қатысуы туралы айтты
Сыртқы істер министрлігі Қуандық Бишімбаевтың сотына ресейлік журналист және тележүргізуші Ксения Собчак, сондай-ақ блогер әрі коуч Наталья Грейстің қатысуы туралы айтты, - деп хабарлайды Tengrinews.kz тілшісі.
ҚР Сыртқы істер министрлігінің ресми өкілі Айбек Смадияров Собчак та, Грейс те ведомстводан шетелдік журналист ретінде аккредитация алмағанын айтты.
"Біріншісі де, екіншісі де аккредитация алуға жүгінген жоқ. Олардың сотқа кім ретінде қатысып жатқанын сот өкілдерінен білуге болады", - деп жауап берді ол журналистер сұрағына.
Еске салайық, 22 сәуірде ресейлік журналист әрі тележүргізуші Ксения Собчак бұрынғы ұлттық экономика министрі Қуандық Бишімбаевтың ісі бойынша сот отырысына Қазақстанға келді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!