Қазақстан құрамасы үстел теннисінен әлем чемпионатының плей-офф кезеңіне шықты
Топтық кезең аясында ерлер командасы Түркия, Мысыр және Таиланд құрамаларын жеңіп, үш ойынның үшеуінде де басым түсті.
Әйелдер командасы бразилиялықтардан ұтылғанымен, Чехия мен Моңғолияны қапы қалдырып, келесі матчтерге жолдама алды. Онда отандық спортшылар Бельгия құрамасынан басым түсті.
Осылайша, бүгін, 4 мамырда, қазақстандықтар 1/16 финал аясында 1/8 кезеңіне шығу үшін бақ сынайды.
Ерлер командасы Испания құрамасымен, ал әйелдер командасы Швециямен кездеседі.
Қазақстан құрамасының көшбасшысы Олимпиаданың 1/8 финалында өнер көрсетті
Айта кетейік, көп жылдан бері 29 жастағы Кирилл Герасименко Қазақстан құрамасының басты жұлдызы болып келеді. 2024 жылы ол қатарынан үшінші Олимпиадасына қатысып, 1/8 финалға дейін жетті және қорытындысында тоғызыншы орынға ие болды. Бұл - Қазақстан тарихындағы ең үздік көрсеткіш.
Әлем чемпионатында ол алты матчтің барлығында жеңіске жетіп, тек бір ғана сетте есе жіберді.
Instagram-дағы бұл жарияланымды көру
Islamic Solidarity Sports Association - ISSA (@issasportofficial) жарияланымы
Герасименкодан бөлек, құрама сапында Алан Құрманғалиев, Айдос Кенжіғұлов, Санжар Жұбанов пен Искендер Харки бар. Әйелдер құрамасы сапында Зауреш Ақашева, Сарвиноз Миркадирова, Анель Бахыт, Жанерке Көшкімбаева және Мария Лукьянова өнер көрсетеді.
Үстел теннисінен командалық әлем чемпионаты Лондонда (Ұлыбритания) өтіп жатыр және ол 10 мамырға дейін жалғасады. Плей-офф матчтері аңызға айналған "Уэмбли" стадионында өтеді.