Қазақстандық футболшы шетелде “алтын дубль” жасады
Әзербайжан Кубогының финалында "Сабах" "Зиря" командасына қарсы ойнады. Қазақстандық футболшы алаңға негізгі құрамда шығып, кездесудің басты қаһармандарының біріне айналды.
"Зиря" төртінші минутта-ақ есеп ашқанымен, тек 70-минутта Орфе Мбина таразы басын теңестірді.
Ойын қосымша уақытқа ұласатындай көрінген еді, бірақ 91-минутта Покатилов допты ойынға жылдам қосты, содан кейін Джой-Ланс Микел алаңның жартысын жүгіріп өтіп, дәл соққымен командасына жеңіс сыйлады. Қазақстандық қақпашы өз еншісіне нәтижелі пас жазды.
Қазақстандық футболшы бір жылда чемпионат пен кубокты жеңіп алды
Еске сала кетейік, бұған дейін "Сабах" Әзербайжан чемпионатында "Қарабахтың" төрт жылдық гегемониясын тоқтатып, өз тарихында алғаш рет ел чемпионы атанған болатын. Осылайша, кубокты иеленген команда "алтын дубль" жасады.
Стас Покатилов Әзербайжанға 2025 жылдың қаңтарында "Тобылдан" ауысып, тез арада команданың негізгі қақпашысына айналды.
Ол Қазақстан ұлттық құрамасы сапында 29 ойын өткізген. Бұл матчтарда қақпашы 58 гол жіберіп, 8 кездесуде қақпасын құрғақ сақтады.
Қазақстандықтар бірден үш шетелдік чемпионатта жеңіске жетуі мүмкін
2025/2026 жылғы маусымда Покатиловтан бөлек, тағы екі қазақстандық шетелдік лигаларда чемпиондық атақ үшін таласып жатыр. Нұралы Әліп Санкт-Петербургтің "Зениті" сапында Ресей чемпионатының шешуші туры алдында көш бастап тұрса, Ислам Чесноков "Хартспен" бірге Шотландия чемпионатында бірінші орында келеді.
Екі трофейдің тағдыры осы аптада анықталады – "Зенит" "Ростовқа" қарсы, ал "Хартс" басты қарсыласы "Селтикке" қарсы ойнайды.
Instagram-дағы бұл жарияланымды көру
Heart of Midlothian FC (@heartofmidlothianfc) жариялаған жазба
Ал БАҚ-та аргентиналық футболшы Лионель Мессидің "Интер Майамидегі" керемет жылдық жалақысы жарияланды.