Тоқаев түркі елдерін ғарыш саласында бірігуге шақырды
15 мамырда Түркістанда Түркі мемлекеттері ұйымының бейресми саммиті өтті. Саммиттің тақырыбы "Жасанды интеллект және цифрлық даму" болды, - деп хабарлайды Tengrinews.kz тілшісі Ақордағы сілтеме жасап.
Президент ТМҰ аясында бірлесе іске асыруға болатын бірқатар ұсынысты ортаға салды.
"Біріншіден, сауда-экономика саласы бойынша ұйымға мүше елдер арасында электрондық құжаттар мен цифрлық қолтаңбаны өзара тануға қатысты жұмысты бірлесе жүргізген жөн. Екінші мәселе: Ғарыш саласы – түркі мемлекеттерінің бәсекеге қабілетін арттыруға ықпал ететін негізгі фактордың бірі", - деді Президент.
Сурет: Ақорданың баспасөз қызметі
Бұл бағытты жүйелі түрде дамыту үшін елдеріміздің ғылыми, технологиялық және қаржылық әлеуеті жеткілікті, деді Мемлекет басшысы
"Әсіресе, спутник байланысы, навигация және мониторинг саласында бірлескен жобаларды жүзеге асырып, ықпалдастығымызды кеңейте түсу қажет. Сол арқылы технологиялық дербестігімізді нығайтып, инновациялық әлеуетімізді арттыруға мүмкіндік туады. Мысалы, "CubeSat-12U" ғылыми спутнигін іске қосудың маңыздылығын атап өтуге болады", - дейді Қасым-Жомарт Тоқаев.
Айта кетейеік, Түркістанда өтіп жатқан халықаралық іс-шараға Қазақстан, Түркия, Әзербайжан, Өзбекстан және Қырғызстан президенттері, сондай-ақ ресми делегациялар мен халықаралық ұйымдардың өкілдері қатысып жатыр. Саммиттің негізгі тақырыбы - "Жасанды интеллект және цифрлық даму".
Сілтемесіз жаңалық оқисыз ба? Онда Telegram желісінде парақшамызға тіркеліңіз!