“Қайраттың“ бұрынғы бапкері Мәскеуде қайтыс болды
Мәскеуде 81 жасына қараған шағында футбол бапкері, "Қайрат" пен өзге де қазақстандық командалардың бұрынғы тәлімгері Владимир Гулямхайдаров өмірден озды, деп хабарлайды Tengri Sport Қазақстан футбол федерациясына сілтеме жасап.
Жаттықтырушының қайтыс болғаны туралы ақпарат бүгін, 15 маусымда белгілі болды. Өлімнің себебі хабарланған жоқ.
Айта кетейік, маман Тәжікстанда дүниеге келіп, ойыншы ретіндегі мансабының басым бөлігін сонда өткізген, алайда 1996 жылдан 2012 жылға дейін қазақстандық клубтарда түрлі қызмет атқарған.
Гулямхайдаров "Қайраттан" бөлек "Локомотив" (Астана), "Тараз", "Мегаспорт" (Алматы) және "Сұңқар" (Қаскелең) командаларында жұмыс істеді.
"Владимир Алишоевич 1999 және 2001 жылдары Қазақстан Кубогінің иегері атанса, 2004 жылы алматылық "Қайраттың" бапкерлер штабында жұмыс істеп, Премьер-лига чемпиондығын жеңіп алды.", - деп хабарлады ҚФФ.
Бұған дейін 84 жасына қараған шағында алматылық "Қайраттың" бұрынғы шабуылшысы әрі капитаны Сергей Рожков өмірден озды.