“Өзін француз санайды“: Мбаппеге қатысты дау күтпеген жайтқа ұласты
Парагвайда жыл сайынғы салтанатты шарада Франция құрамасының капитаны Килиан Мбаппенің тұлыбын өртеп жіберді.
Дәстүр бойынша, өртеу үшін "ең беймаза адам" таңдалып, оның тұлыбы өртеледі. Бұл жағдай танымал футболшы мен Парагвай сенаторы Селеста Амарилья арасындағы текетіресті ушықтыра түсті.
???? Парагвайлықтар Килиан Мбаппенің мүсінін ағашқа асып, Сан-Хуан фестивалінде өртеп жіберді. @Excelsior ЖИІРКЕНІШТІ ???? pic.twitter.com/BrfzE3s3r1
— Madrid Zone (@theMadridZone) 8 шілде, 2026 жыл
Килиан Мбаппеге қатысты дау: не болды?
Еске салсақ, әлеуметтік желідегі даулы жазбаны Парагвай сенаторы Селеста Амарилья жариялаған болатын. Жұртшылық оның Мбаппе туралы "өзін француз санайтын отарланған камерундық" және "зұлым нувориш" деген сөздеріне наразылық білдірді.
Бұған жауап ретінде Мбаппе оны Парагвай туралы жағымсыз әсер қалдыратын "жексұрын әйел" деп атады.
Instagram-дағы бұл жарияланымды көру
Celeste Amarilla de Boccia-ның жарияланымы (@celestesenadora)
Мбаппені қолдау
Жұлдызды футболшыны оның клубы – мадридтік "Реал" қорғады. Клуб ресми мәлімдеме жасап, футболдың теңдік пен ынтымақтастық алаңы екенін, сондай-ақ клубтың ксенофобия мен нәсілшілдікке әрдайым қарсы тұратынын атап өтті.
"Мадридтік "Реал" футбол клубы Парагвай сенаторы Селеста Амарильяның біздің ойыншымыз Килиан Мбаппеге бағытталған сорақы нәсілшілдік және ксенофобиялық мәлімдемелерін қатаң айыптайды.Біздің клуб саяси өкілге лайық емес мұндай мәлімдемелерді үзілді-кесілді айыптайды және миллиондаған адам үшін, әсіресе бүкіл әлемдегі балалар үшін үлгілі ойыншымыз Килиан Мбаппеге толық қолдау білдіреді", - делінген жарияланымда.
Белгілі британдық журналист Пирс Морган да Мбаппені қолдады. Ол өзінің әлеуметтік желідегі парақшасында сенатордың мәлімдемесін "жиіркенішті әрі айнытарлық" деп атады.
Морган футболшыға бағытталған нәсілшілдікті айыптап, әлемдік спортта мұндай көріністермен күресудің маңызын айтты.
"Ол қандай жиіркенішті, жексұрын нәсілшіл әрі арам адам. Мбаппе, осы масқара әйелге қарсы тұруда біз бәріміз сені қолдаймыз. Оны жұмысынан тезірек қуып шығады деп шын жүректен үміттенемін. Бұл әйел Парагвайда сенатор болып қалай сайланған?" – деп жазды Морган әлеуметтік желіде.
Қандай жиіркенішті, жексұрын, нәсілшіл адам. Біз бәріміз @KMbappe сенімен біргеміз және осы масқара әйелге қарсымыз. Оның тезірек жұмысынан қуылуын тілеймін. Ол Парагвайда қалайша сайланбалы сенатор болып отыр? https://t.co/4TWfqUodZg
— Пирс Морган (@piersmorgan) 8 шілде, 2026 жыл
“Өзін француз санайды“: “Реал“ ӘЧ-де басы дауға қалған Мбаппеге қатысты пікір білдірді