5 пайыздық ипотека: Талдықорғанда өтінім қабылдау басталады
Жетісу облысында 20-24 шілде аралығында Талдықорғандағы жаңа үйден жеңілдетілген ипотекамен пәтер сатып алуға өтініш қабылданады. Оған өңірде тұрғын үй кезегінде тұрған және "Отбасы банкте" депозиті бар тұрғындар қатыса алады. "Бірлік" шағынауданындағы №30 үйде барлығы 98 пәтер бар.
"Шаршы метр құны 284 мың теңгеден басталады. Пайыздық мөлшерлеме жылдық 5 пайыз. Алғашқы жарна 10 пайыз. Пәтерлер таза әрленген күйде беріледі", - деп хабарлады orken.otbasybank Тұрғын үймен қамтамасыз ету орталығы.
Үй 2025 жылғы сәуірде пайдалануға берілген. Онда "эконом-кластағы" 98 пәтер бар:
ауданы 44,3 шаршы метр болатын 42 пәтер;ауданы 60 шаршы метр болатын 14 пәтер;ауданы 62,2 шаршы метр болатын бес пәтер;ауданы 54,1 шаршы метр болатын тоғыз пәтер;ауданы 71,1 шаршы метр болатын 28 пәтер.
Қатысушыларды іріктеу 27 шілдеге дейін жалғасады.
Бес пайыздық жеңілдетілген ипотеканы кімдер ала алады?
"Отбасы банктің" жеңілдетілген ипотека шарттары:
несие бойынша мөлшерлеме - жылдық бес пайыз;жылдық тиімді сыйақы мөлшерлемесі - 5,2-ден 5,8 пайызға дейін;ең төменгі алғашқы жарна - 10 пайыз;қарыз мерзімі - 20 жыл.
Үміткерлердің "Отбасы банктегі" депозитінде қарыз сомасының кемінде 10 пайызы болуы тиіс.
Тұрғын үй кезекте тұрғандар арасында есепке қойылған күніне қарай үлестіріледі. Пәтерлердің 70 пайызын бірінші кезекте мына санаттағылар ала алады:
Ұлы Отан соғысының ардагерлері;жеңілдіктер бойынша Ұлы Отан соғысының ардагерлеріне теңестірілген ардагерлер;басқа мемлекеттер аумағындағы ұрыс қимылдарының ардагерлері;І және ІІ топтағы мүгедектігі бар адамдар (бірақ олар сотпен әрекетке қабілетсіз деп танылса, банк несие бермейді, сондықтан бұл жағдайда тек сатып алу мүмкін болады);мүгедектігі бар балалары бар немесе оларды тәрбиелеп отырған отбасылар;жесір әйелдер (тұл ер адамдар);
"Алтын алқа", "Күміс алқамен" марапатталған немесе бұрын "Батыр ана" атағын алған көпбалалы аналар, сондай-ақ І және ІІ дәрежелі "Ана даңқы" орденімен марапатталғандар, көпбалалы отбасылар;жетім балалар, ата-анасының қамқорлығысыз қалған балалар (бұл санатқа үйдегі пәтерлердің 20 пайызы беріледі).
Қалған 30 пайыз пәтер кезекте тұрған өзге адамдар арасында бөлінеді.
Жеңілдетілген ипотекамен баспана алуға өтінімді қалай беруге болады?Өтінішті Otbasybank сайтында беру қажет. Ол үшін тіркелу керек.
Содан кейін басты беттегі іздеу бөлімінен "Жаңа құрылыстар" - "Жетісу" - "Нысан коды" (бұл жағдайда 9191, бірақ өтінім қабылдау 20 маусымда басталатындықтан, әзірге порталда бұл нысанды таңдау мүмкін емес) деп көрсету қажет.
Пәтерді таңдағаннан кейін "Өтініш беру" - "Депозитті таңдау" - "Өтінішке қол қою" батырмаларын басу қалады. Төменде бейне нұсқаулық берілген:
Instagram-дағы бұл жарияланымды көру
Отбасы Банк Қызылорда (@otbasybank_kyzylorda.kz) жариялаған жазба
Тағы оқыңыз:Құрылыс компаниясынан пәтер сатып алып, өкініп қалмау үшін неге мән беру керек? Толық нұсқаулықЖаңа үйдің қабырғасы сөгілсе, құрылыс салушы нені жөндеуге міндетті?