“Керемет“: Англияда Сәтпаевтың “Челсидегі“ бабына тәнті болды
17 жастағы қазақстандық Лондонда жаттығуды бастағанына небәрі бір аптадан асса да, көпшіліктің назарын өзіне аудартып үлгерді. Дастанға "Челси" жанкүйерлері ғана емес, ағылшын Премьер-лигасының бейтарап бақылаушылары да қызығушылық танытып жатыр.
"Керемет... "Челсидің" 17 жастағы ойыншысы Дастан Сәтбаевтың физикалық дайындығы керемет! Ол биылғы жазда алматылық "Қайраттан" "Челсиге" небәрі 4 миллион еуроға ауысты. Былтыр 16 жасында Қазақстан құрамасы сапында дебют жасаса, 17 жасында оның тарихындағы ең жас гол авторы атанды. Оның қимыл-қозғалысы Джек Грилиштің стилін еске түсіреді - әсіресе балтыр бұлшықеттері... Батыс Лондон клубының қатары тағы бір мықты талантпен толықты", - деп жазды басты футбол жаңалықтарына шолу жасайтын Rising Ballers аккаунты.
Instagram-дағы бұл жарияланымды көру
Rising Ballers (@risingballers) жариялаған пост
Еске сала кетейік, Грилиш ұзақ уақыт ағылшын футболының басты үміті саналды. Ол 2014-2021 жылдар аралығында "Астон Виллада" өнер көрсетіп, кейін 117 миллион еуроға "Манчестер Ситиге" ауысқан болатын.
Сәтбаев "Челсиде" бейімделді ме?
Қазақстан құрамасы вингерін "Челси" былтыр сатып алған болатын, бірақ ол 18 жасқа толмайынша команда сапында ойнай алмайтындықтан, Лондонға биыл жазда аттанды.
"Ақсүйектер" құрамына қосылған алғашқы күндерден бастап ол жаттығулардан түсірілген фото мен видеокадрларда күн сайын дерлік бой көрсетіп жүр. Осы ұжымдық суретке қарағанда, Дастан Коул Палмер сияқты клубтың танымал көшбасшылары қасында өзін қазірдің өзінде сенімді сезінеді.
Фото: chelseafc.com
Сәтбаев "Челси" сапында қашан дебют жасайды?
Еске сала кетейік, Сәтбаев 12 тамызда кәмелетке толады, осыдан кейін ғана ол командаға ресми матчтерде көмектесе алады.
Дегенмен, қарқынды жаттығуларға қарағанда, қазақстандық футболшы жақын арадағы жолдастық кездесулерде: мысалы, "Кроули Таун" (19 шілде) және "Бромли" (23 шілде) қарсы ойындарда немесе 27 маусым мен 8 тамыз аралығындағы Азия мен Аустралия турнесі кезінде алаңға шығуы мүмкін.
Instagram-дағы бұл жарияланымды көру
«Қайрат» ФК | FC Kairat Almaty (@f.c.kairat) жарияланымы
Бұған дейін оны Грилишпен емес, Агуэромен салыстырған
Әлеуметтік желіде қазақстандықтың "Челсиге" ауысуы туралы алғашқы қауесет пайда болғанда, ағылшын тілді интернет кеңістігінде Сәтбаевтың ойынын талдаған сарапшылар көп болды.
Скауттар бірінің айтуымен, БАҚ-та Сәтбаевты ойын мәнерінің ұқсастығы мен гол соғу мүмкіндіктерін тиімді пайдаланатыны үшін "жаңа Агуэро" деп атай бастады.
"Манчестер Сити" жұлдызымен мұндай салыстырулар Сәтбаевтың соңынан әлі күнге дейін еріп жүр.
Дастан Сәтбаев - Қазақстан мен Чемпиондар лигасының рекордшысы
Еске сала кетейік, 17 жастағы Сәтбаев Қазақстан футбол құрамасы тарихындағы ресми кездесулерде гол соққан ең жас ойыншы. Сонымен қатар ол Чемпиондар лигасы тарихындағы ең жас гол авторларының алғашқы ондығына кіреді.
Transfermarkt порталында Сәтбаевтың құны қазір 3,5 миллион еуроға бағаланып отыр - бұл Қазақстан құрамасы ойыншылары арасындағы ең жоғары көрсеткіш.
Instagram-дағы бұл жарияланымды көру
TengriNews | Қазақстан жаңалықтары (@tengrinewskz) жарияланымы
Бұған дейін лондондық "Челсидің" баспасөз қызметі қазақстандық вингер Дастан Сәтпаев түскен видео жариялады.
Сонымен қатар, қазақстандық 15 жастағы вингер Кәрім Меңдіқанов ресми түрде "Барселона" ойыншысы атанды.