“Қайраттың“ Чемпиондар лигасы үшін Түркістандағы қарымта матчі: қайдан көруге болады?
Софиядағы кездесудің 92-минутында жіберіп алған өкінішті голдан кейін қазақстандық команда 0:1 есебімен жол беріп тұр.
Алматылықтар өз алаңында ойнау мүмкіндігінен айырылғанына қарамастан, команда жаттықтырушысы Рафаэль Оразбахтин алдағы ойынға оптимизммен қарайды.
"Әрине, жанкүйерлердің қолдауы маңызды, бірақ жергілікті халық бізді қолдауға келеді деп ойлаймын, олар да біз үшін тілеулес болады. Сондай-ақ Алматыдан жанкүйерлеріміздің келе жатқаны өте қуанышты жағдай. Бұл біз үшін қосымша қуат пен мотивация екені сөзсіз.Әлбетте, кез келген жеңіліс көңілде қаяу қалдырады, жігіттер бірінші матчтің нәтижесіне ренжулі екені түсінікті. Бірақ олардың бойынан реніштен бөлек, үлкен жігер де байқалады. Олар өз алаңында есе қайтарып, сапалы футбол көрсетуге және біз үшін оң нәтижеге қол жеткізуге асық", - деді ол баспасөз мәслихатында.
Instagram-дағы бұл жарияланымды көру
«Қайрат» ФК | FC Kairat Almaty (@f.c.kairat) жарияланымы
Қарсылас 4 есе қымбат және қатарынан үш матчте гол жібермеген
Айта кетейік, болгариялық "Левски" - "Қайраттың" биылғы Чемпиондар лигасы маусымындағы ең мәртебелі қарсыласы.
Болгар клубы құрамында Бразилия, Португалия және Венесуэладан келген мықты ойыншылар, сондай-ақ жергілікті футболшылар бар.
Transfermarkt порталы "Левски" құрамын 37,8 миллион еуроға, ал "Қайратты" 9,2 миллион еуроға бағалап отыр.
Сонымен қатар болгарлардың қазіргі бабы да өте жақсы. 1 тамыздан бері команда үш кездесу өткізіп, бірде-бір гол жіберген жоқ, ал өздері алты гол соқты.
Instagram-дағы бұл жарияланымды көру
PFC LEVSKI / ПФК ЛЕВСКИ (@pfclevskiofficial) жарияланымы
"Қайрат" жағында - күрделі ауа райы мен тәжірибе
"Левски" Қазақстанға осымен үшінші рет келіп отыр. 2003 жылы болгарлар "Атырауды" оңай жеңген (4:1), бірақ 2013 жылы Еуропа лигасының іріктеу кезеңінде "Ертістен" 0:2 есебімен ұтылып, еурокубоктардан шығып қалған болатын.
Тағы бір фактор - ауа райы. "Қазгидромет" мәліметтеріне сәйкес, бүгін Түркістанда +39-дан +41 градусқа дейін аптап ыстық күтіледі, тіпті күн батқаннан кейін де жағдай күрделі болып қала бермек.
Қазақстанның ыстығына біршама үйренген "Қайрат" ойыншылары басымдыққа ие болуы мүмкін. Оның үстіне, алдыңғы кезеңде алматылықтар ұқсас жағдайдан шыға білді - Кипрдегі қонақта 1:0 есебімен ұтылып, өз үйінде есе қайтарды және пенальти сериясында жеңіске жетті.
"Қайрат" - "Левски": қайдан көруге болады?
"Қайраттың" Чемпиондар лигасының іріктеу кезеңіндегі болгариялық "Левскиге" қарсы қарымта матчі Қазақстан уақытымен сағат 20:00-де басталады.
Кездесуді Qazsport телеарнасы тікелей эфирде көрсетеді, алайда арнаның сайтында трансляция болмайды.
Instagram-дағы бұл жарияланымды көру
«Қайрат» ФК | FC Kairat Almaty (@f.c.kairat) жарияланымы
“Жыртылған алаң“: Канье Уэсттің кесірінен “Қайрат“ Түркістанда қандай қиындыққа тап болады?