KEGOC еншілес компаниясын 2,6 миллиардқа саудалап жатыр: себебі неде?
"KEGOC" ұлттық компаниясы өзінің еншілес ұйымы – "Энергоинформ" IT-компаниясын сатуға шығарды. Еліміздің негізгі электр желілері операторы оны неліктен сатылымға қойғаны және лот құрамына не кіретіні туралы Tengrinews.kz материалынан оқыңыздар.
"Энергоинформ" қаншаға сатылады?
Сатып алушыға "Энергоинформ" компаниясының 100 пайыз үлесі ұсынылып отыр. Барлығы 217 970 жай акция шығарылған және олардың барлығы сатылымға шығарылды.
"Энергоинформ" компаниясының сауда-саттықтағы лоты. Фото: e-qazyna.kz сайтынанКомпанияның құны 2,58 миллиард теңгеге бағаланды. Оны осы бағаға сату жоспарланып отыр.
Компания активтері құнын бағалау. Мәліметтер e-qazyna.kz сайтынан алынды"Энергоинформ" компаниясы 2010 жылдан бері жұмыс істейді. Оның негізгі міндеттері IT саласымен және энергетиканы цифрландырумен байланысты болды.Қарапайым тілмен айтқанда, компания мынадай жұмыстарды атқаруы тиіс еді:
KEGOC пен Қазақстанның біртұтас энергия жүйесіне қатысушылардың IT-жүйелерінің жұмысын қамтамасыз ету;энергия нарығын басқару үшін цифрлық және интеллектуалдық шешімдерді енгізу;энергетикалық компаниялардың IT-инфрақұрылымын дамыту;компанияның құнын арттыра алатын жаңа бағыттарды іздеу.
Лотқа сатылатын мүліктердің фотосуреттері қоса берілген. Олардың қатарында үш автокөлік, кеңсе және ондағы техникалар бар.
"Энергоинформ" компаниясының сауда-саттыққа шығарылған мүлкі. Фото: e-qazyna.kz сайтынанСауда-саттық 26 тамыз күні таңғы сағат 10-да басталады.
Компания неге сатылады?
Бұл сауалды біз IT-компанияның иесі – KEGOC компаниясына жолдадық. Ондағылар былай деп жауап берді:
"Квазимемлекеттік секторда қызметті жүзеге асыру мүмкін болмағандықтан, стратегиялық емес актив деп танылды. Бәсекелестік ортаға шығарылады".
Оңайырақ айтқанда, бұл – девистиция объектісі. Бұл иесі салынған ақшаны қайтарып, капиталды "өтеп алу" үшін нақты активті немесе компанияны сатуды ұйғарған кезде болады.
KEGOC немен айналысады?
KEGOC – Қазақстанның магистральдық электр желілерін басқаратын ұлттық компания. Ол жоғары вольтты желілердің жұмысын қадағалайды және елдің энергия жүйесінің тұрақты жұмысын қамтамасыз етуге көмектеседі. Компания 1997 жылдан бері жұмыс істейді. Компания иесі – ел үкіметі.