“Жарықты Канье өшірді ме?“: Алматыдағы блэкаутқа байланысты қазақстандықтар не деп жатыр?
Канье Уэстің Алматыдағы концертіне санаулы сағаттар қалды, алайда рэпер өнер көрсететін күні қалада жаппай жарық өшіп қалды. Электр беру желілеріндегі апаттық жағдайға байланысты Алматының бірнеше ауданы мен облыс тұрғындары жарықсыз қалды. Threads қолданушылары, әдеттегідей, бұл жағдайды алдағы концертпен байланыстыра бастады. Tengrinews.kz тілшісі ең қызықты реакцияларды жинап шықты.
"Жарықты Канье өшіріп тастаған ба?"
Энергетиктер электр қуатын қалпына келтірумен айналысып жатқанда, Threads қолданушылары не болып жатқанын анықтауға кірісті.
"Алматы, тағы кімде жарық өшті? Осыдан 15 минут бұрын", - деп жазды желі қолданушыларының бірі.
Одан кейін қаланың басқа бөлігіндегі тұрғындардан да хабарламалар ағыла бастады.
Скриншот:Threads
Кейбір қолданушылар бірден бірнеше ауданда жарықтың жоқтығына қарап, жағдайдың ауқымын бағалап үлгергендей.
Сонымен қатар желіде жарықтың өшуі Канье концертімен байланысты деген әзілдер пайда болды.
"Канье барлық жерде жарықты өшіріп тастаған ба?" - деп жазды қолданушылардың бірі.
Скриншот:Threads
Скриншот:Threads
Скриншот:Threads
Канье Уэстің электр жабдықтарының жанында, қолына атауыз ұстап, электрик киімінде түскен фотосы жағдайды одан сайын қыздыра түсті.
Скриншот:Threads
Скриншот:Threads
"Алматы, жарықсыз қалай екен?" - деп жазды қолданушы осы суреттің астына.
Threads қолданушылары бұл жағдайды әзілмен талқылап жатыр. Мемдерде Канье концерт алдында Алматының электр желілерін өзі тексеріп жүр деген болжамдар айтылған.
Желіде тағы бір мем пайда болды: Канье қолында үлкен жарқыраған шар ұстап тұр, одан Алматы мен облыс аудандарына кабельдер тартылғандай көрінеді. Әзіл картада оған Алматы мен Алматы облысының бірнеше ауданы "қосылып", қаланың үстіне "Алматы жарықсыз" деген жазу шыққан.
Скриншот:Threads
Скриншот:Threads
Ал кейбіреулер алдағы концертке, билет алғандардың оған бара алар-алмасына шын ниетпен алаңдап жатыр.
"Алматылықтар, концертке қалай барамыз? Телефондардың қуаты таусылды, такси шақыру мүмкін емес. Ye болса Ritz-те жуына алмайды. Лазерлер қосылмайды, не істейміз?".
Жарыққа қатысты не белгілі
Алматы қаласы мен Алматы облысында 14 тамыз күні сағат 15:00 шамасында жарық өше бастады. Қаланың түрлі аудандарының тұрғындары электр қуатының жоқтығын хабарлады.
Ресми мәліметтерге сәйкес, KEGOC компаниясына тиесілі 500 кВ кернеулі әуе электр желілерінде апат болған. Соның салдарынан Алматы мен облыстағы тұтынушылардың бір бөлігі уақытша жарықсыз қалды.
Апат салдарынан жалпы қуаты 300 МВт болатын жүктеме ажыратылды.
Алматы облысында Жамбыл, Балқаш, Есік, Қарасай, Шелек, Райымбек, Ұйғыр, Іле, Кеген және Талғар аудандарында жарық өшіп қалды.
Мамандар қазірдің өзінде электр қуатын қалпына келтіру бойынша жұмыс істеп жатыр.
Алматы қаласында жарықтың өшуіне байланысты кейбір бағдаршамдар істен шығып, байланыс нашарлады және бірден кептелістер пайда болды. Қиылыстарға реттеушілер шықты.
Концерт туралы не белгілі?
Канье Уэстің Алматыдағы концерті туралы әртістің фан-парақшаларының бірінде жарияланғаннан кейін белгілі болды. Кейін бұл ақпаратты кәсіпкер, Karre Ventures және ML1 Records негізін қалаушы Джозеф Карре мен Алматы әкімдігі растады.
Концерт 2026 жылдың 14 тамызына жоспарланған және ол Ye-нің әлемдік турының бір бөлігі болмақ.