“Қайрат“ Алматыда Еуропа лигасы үшін таласады: тікелей көрсетілім
Қазақстандық клуб Еуропа лигасына жолдама беретін ойынды өз алаңында, Орталық стадионда өткізеді. Қарсыластар Алматыға жетіп үлгеріп, алдағы кездесуге дайындалып жатыр.
Instagram-дағы бұл жарияланымды көру
RSC Anderlecht (@rscanderlecht) жарияланымы
"Андерлехттің" Қазақстанға қиын сапары
"Қайратпен" өтетін матч алдында бельгиялық клуб алғашқы қиындықтарға тап болды. Брюссель мен Алматының арасы шамамен 5200 шақырым, ал ұшу уақыты тоғыз сағатқа жуықтайды. Бельгиялық БАҚ бұл "Андерлехт" үшін ғана емес, кез келген бельгиялық клуб тарихындағы ең алыс еурокубоктық сапар екенін хабарлады.
Салыстырмалы түрде алсақ, былтыр "Брюгге" Астанаға келгенде жол уақыты шамамен бір сағатқа қысқа болған еді. Бұл жолы "Андерлехтті" ұзақ әрі үйреншікті емес ауыр жол күтіп тұрды.
Уақыт айырмашылығы үш сағат, ал Алматыдағы матч бельгиялықтар үшін ерекше уақытта - Бельгияның жергілікті уақытымен 17:00-де басталады. Клуб мұндай жағдайға арнайы бейімделу жоспарын әзірледі. Олар көк түсті сүзетін арнайы көзілдіріктер, компрессиялық шұлықтар дайындап, белсендіру жаттығулары мен ұшып келгеннен кейінгі міндетті ұйқыны жоспарлаған.
Instagram-дағы бұл жарияланымды көру
RSC Anderlecht (@rscanderlecht) жарияланымы
"Қайрат" "Андерлехттен" 9 есе арзан
Transfermarkt мәліметтері бойынша, "Андерлехт" құрамының жалпы құны 83,4 миллион еуро болады. Ал "Қайраттың" көрсеткіші 9,2 миллион еуроға тең. Айырмашылық тоғыз еседен асады.
Бельгиялық клуб ойыншысының орташа құны айтарлықтай жоғары, ал "Андерлехт" құрамында 10 миллион еуроға бағаланған футболшылар бар, мысалы, канадалық жартылай қорғаушы Нейтан Салиба мен сербиялық шабуылшы Михайло Цветкович. Алматылықтардың ең қымбат ойыншысы, португалиялық шабуылшы Жоржиньо 1 миллион еуроға бағаланған.
Instagram-дағы бұл жарияланымды көру
«Қайрат» ФК | FC Kairat Almaty (@f.c.kairat) жарияланымы
Бельгияның ең атақты клубы Қазақстанға келді
Брюссельдік команда ел чемпионатын 34 рет жеңген, бұл - ұлттық рекорд. Дегенмен, команда кейінгі рет 2017 жылы ғана бірінші орынға ие болған.
Өткен маусымда команда төртінші орынға тұрақтап, ұлттық кубок финалында есе жіберді. Осыған байланысты олар Еуропа лигасының іріктеу кезеңін екінші раундтан бастауға мәжбүр болды.
Онда команда швециялық "Хаммарбюді" (сыртта 1:1 және үйде 3:1) үлкен қиындықпен жеңіп, үшінші раундта ПАОК-қа тап болды. Мұнда екі рет жеңіске жетті (0:1 және 3:2).
Instagram-дағы бұл жарияланымды көру
RSC Anderlecht (@rscanderlecht) жарияланымы
"Андерлехтпен" өтетін матчтерден кейін "Қайратты" не күтеді?
"Андерлехтпен" өтетін текетірестің нәтижесіне қарамастан, "Қайрат" биылғы маусымда еурокубоктарға қатысуды қамтамасыз етіп қойды. Бельгиялық клубпен өткен екі матчтің қорытындысы бойынша жеңіске жеткен жағдайда, қазақстандық команда Еуропа лигасының негізгі кезеңіне шығады. Жеребе тастау рәсімі 28 тамызда өтеді.
"Андерлехттен" жеңілген жағдайда да "Қайрат" маусымның аяғына дейін еурокубоктардағы өнерін жалғастырады. Алматылық клуб Чемпиондар лигасының алдыңғы іріктеу кезеңінің қорытындысы бойынша кем дегенде Конференция лигасының негізгі кезеңінен орын алып қойған.
"Қайрат" - "Андерлехт" матчі: қайдан көруге болады?
Алматылық "Қайрат" пен брюссельдік "Андерлехт" арасындағы матчті Qazsport телеарнасы тікелей эфирде көрсетеді. Кездесу 20:00-де басталады.
Instagram-дағы бұл жарияланымды көру
«Қайрат» ФК | FC Kairat Almaty (@f.c.kairat) жарияланымы
“Қайрат“ Канье Уэстің концертінен кейін стадионға қатысты шешім қабылдады
УЕФА өткен маусымның қорытындысы бойынша қазақстандық клубтарға 7 миллион еуродан астам төледі.