“Қайраттың“ қарсыласы Алматыда түсірілген әсерлі кадрларды жариялады
Бельгиялық клубтың баспасөз қызметі әлеуметтік желідегі парақшасында команданың жаттығу сәттерінен кадрлар жариялады. Бүгін олар стадион иелері - "Қайратпен" Еуропа лигасына жолдама алу үшін таласады.
Instagram-дағы бұл жарияланымды көру
RSC Anderlecht (@rscanderlecht) жарияланымы
"Сапасы мәз емес": “Андерлехт“ "Қайратпен" өтетін матч қарсаңында көгалдың жай-күйін бағалады
Еуропа лигасының іріктеу кезеңіндегі "Қайрат" пен "Андерлехт" арасындағы матч алдында өткен баспасөз мәслихатында бельгиялық клуб ойыншысы Лукаш Амброс Орталық стадионның көгалы туралы пікір білдірді. Футболшы шөптің жағдайы қанағаттанарлық екенін, бірақ кей жерлерінде жабынның сапасы онша емес екенін атап өтті.
"Біз ол жерде болып, шөптің жай-күйін тексердік: жағдайы қанағаттанарлық. Бірақ, шыны керек, шөптің сапасы төмен бірнеше шағын учаске бар", - деді Амброс.
???????????????????????????????????????????????? | Лукаш Амброс Орталық стадион көгалының жай-күйі туралы айтты! «Көгалдың сапасы қанағаттанарлық, кей жерлерінде шөптің сапасы төмен болса да.»???? HLN pic.twitter.com/OB6ONLtfFy
— Au coeur des Mauves (@ACDAnderlecht) August 19, 2026
Сондай-ақ әлеуметтік желілерде алаңның ең проблемалы учаскелері бірінің суреті тарады. Алайда "Андерлехт" жаттықтырушысы Виктор Бруно команда бұл факторды ақталу ретінде пайдаланбайтынын айтты.
"Біз алаңның жағдайын сылтау ретінде пайдаланғымыз келмейді. Өзімізге байланысты емес нәрселерге шағымданбаймыз", - деп атап өтті жаттықтырушы.
????️ Витор Бруно Алматының "Қайраты" алаңы туралы:“Біз алаңды сылтау ретінде пайдаланғымыз келмейді. Біздің бақылауымыздан тыс нәрселерге шағымданбаймыз.”???? pic.twitter.com/NSzedybzWN
— Purple Anderlecht (@Purple_RSCA_) August 19, 2026
"Кей жерлері күйіп кеткен": "Қайрат" жаттықтырушысы алаңның жағдайы туралы
Еске салсақ, матч қарсаңында әлеуметтік желілерде Орталық стадион көгалының суреттері мен видеолары пайда болған еді. Сенбі күні бұл жерде танымал рэпер Канье Уэстің ауқымды концерті өткен болатын. Желі қолданушыларының көбі алаңның жағдайы сын көтермейтінін айтқан еді.
Ал Рафаэль Уразбахтин кейбір кемшіліктерге қарамастан, көгал ойын үшін қалыпты жағдайда екенін айтты.
Instagram-дағы бұл жарияланымды көру
«Қайрат» ФК | FC Kairat Almaty (@f.c.kairat) жарияланымы
Матч қарсаңында көгалдың жағдайы қандай болды?
Tengri Sport тілшілері стадионға барып, көгалдың жай-күйін бағамдап қайтты.
Көргеніміздей, футбол алаңы біртіндеп үйреншікті қалпына келтірілуде. Көгалға таңбалар сызылып, қақпалар орнатылған. Сонымен қатар, жабын бетінде техника жұмысының іздері әлі де байқалады, ал көгалдың бір бөлігі сарғайып кеткен.
Фото: TengriSport.kz/Ақбота Сіләм
Канье Уэст ЧЛ матчы үшін "Қайраттың" стадионын "тартып алды"
Еске салсақ, 15 тамызда Орталық стадионда әйгілі америкалық рэпер Канье Уэстің концерті өткен болатын.
Бұған дейін "Қайрат" өкілдері бұл шараның клубпен келісілмегенін, ал команданың дәл осы күндері болгариялық "Левскиге" қарсы Чемпиондар лигасының іріктеу кезеңі аясында өз алаңындағы матчы жоспарланғанын мәлімдеген еді.
Соған қарамастан, кездесу Түркістанға ауыстырылып, алматылықтарға Чемпиондар лигасының аса маңызды матчін өз стадионында өткізу мүмкіндігі бұйырмады. Нәтижесінде "Қайрат" 0:2 жалпы есебімен жеңіліп, Чемпиондар лигасынан шығып қалды.
Алматыда Канье Уэстің концерті қалай өтті?
Бастапқыда Канье Уэстің Орталық стадиондағы концерті 14 тамызда өтуі тиіс еді. Алайда өнер көрсететін күні Алматыда алдымен блэкаут болып, ал кешке қарай нөсер жауып, дауыл соқты.
"Андерлехтпен" өтетін матчтерден кейін "Қайратты" не күтеді?
"Андерлехтпен" текетірестің нәтижесіне қарамастан, "Қайрат" биылғы маусымда еурокубоктарға қатысуды қамтамасыз етіп қойды. Бельгиялық клубпен өткен екі матчтің қорытындысы бойынша жеңіске жеткен жағдайда, қазақстандық команда Еуропа лигасының негізгі кезеңіне шығады. Жеребе тастау рәсімі 28 тамызда өтеді.
"Андерлехттен" жеңілген жағдайда да "Қайрат" маусымның аяғына дейін еурокубоктардағы өнерін жалғастырады. Алматылық клуб Чемпиондар лигасының алдыңғы іріктеу кезеңінің қорытындысы бойынша кем дегенде Конференция лигасының негізгі кезеңінен орын алып қойған.
"Қайрат" - "Андерлехт" матчі: қайдан көруге болады?
Алматылық "Қайрат" пен брюссельдік "Андерлехт" арасындағы матчті Qazsport телеарнасы тікелей эфирде көрсетеді. Кездесу 20:00-де басталады.
Instagram-дағы бұл жарияланымды көру
«Қайрат» ФК | FC Kairat Almaty (@f.c.kairat) жарияланымы
“Кей жерлері күйіп кеткен“: “Қайрат“ Канье Уэсттің концертінен кейінгі алаң туралы айтты