СІМ Непалда тағы бір қазақстандық іздестіріліп жатқанын хабарлады
Непал мен Қытай шекарасындағы табиғи апаттан кейін Қазақстанның екі азаматы іздестіріліп жатыр. Бұл туралы Қазақстан Сыртқы істер министрлігі хабарлады, деп хабарлайды Tengrinews.kz тілшісі.
Алдын ала ақпарат бойынша, әйелдер су тасқыны аймағында болуы мүмкін.
"Қазіргі уақытта Непал мен Қытай шекарасындағы табиғи апат аймағында болған делінген Қазақстанның екі азаматын іздестіру жұмыстары жүріп жатыр. Бұған дейін олардың бірі туристік топ құрамында екі ел арасындағы шекарадан өткені хабарланды. ҚР СІМ жергілікті мемлекеттік органдармен жұмыс істеп жатыр және отандастарымыздың туыстарымен байланыста", – деп хабарлады СІМ.
Еске сала кетейік, 26 тамызда Непал мен Тибет шекарасында жойқын су тасқыны болған еді. Судың, балшықтың және үйінділердің қуатты ағыны Бхотекоши мен Тришули өзендерінің аңғарындағы елді мекендерді басып, үйлерді, жолдар мен көпірлерді қиратты. Апат салдарынан жүздеген адам қаза тауып, тағы жүздегені хабар-ошарсыз кеткендер қатарында.
Бұған дейін Қазақстан СІМ Непалда жоғалғандардың арасында біздің отандасымыз бар екенін хабарлаған болатын. Алдын ала мәлімет бойынша, ол Непалдан Қытайға шекара асқан туристік топтың құрамында болған.
Президент Қасым-Жомарт Тоқаев Сицзан автономиялық ауданындағы жойқын селдің қайғылы салдарына байланысты ҚХР Төрағасы Си Цзиньпинге көңіл айту жеделхатын жолдады.