Аяғы эскалаторға қысылып қалған: Семейде әйелді құтқару сәті видеоға түсірілді
Семейде құтқарушылар сауда орталықтарының бірінде аяғы эскалаторға қысылып қалған әйелді құтқарды. Құтқару операциясы видеоға түсіп қалған, деп хабарлайды Tengrinews.kz Төтенше жағдайлар министрлігіне сілтеме жасап.
Оқиға туралы хабарлама 112 пультіне келіп түскен. Куәгерлер сауда орталығында әйел адамның аяғы эскалаторға қысылып қалғанын хабарлаған.
Оқиға орнына жедел-құтқару жасағының қызметкерлері жетті. Құтқарушылар гидравликалық құралдың көмегімен екі эскалатор арасындағы технологиялық саңылауды кеңейтіп, қысылып қалған аяқты босатқан.
Әйел босатылғаннан кейін медициналық тексеруден өту және қажетті көмек алу үшін жедел жәрдем қызметкерлеріне тапсырылған.
Тағы оқыңыз: Бала көмек сұрап айқайлаған: семейлік батыр суға батып бара жатқан баланы құтқарғаны үшін марапатталды