Аңызға айналған боксшы өмірден озды: ол бірде-бір рет нокдаунға түспеген
Өлім себебі жарияланған жоқ, әлем чемпионы атағына бұрынғы үміткер өзінің туған күні - 12 қыркүйекте қайтыс болғаны нақтыланды.
Чувало 1956-1978 жылдар аралығында кәсіпқой рингте 93 жекпе-жек өткізіп, 73 кездесуде жеңіске жеткен. Ол бірде-бір рет нокдаунға түспегені үшін тарихтағы ең төзімді файтерлердің бірі саналады. Боксшының екі рет мерзімінен бұрын жеңілуі төрешілердің жекпе-жекті жалғастыруға рұқсат бермеуімен байланысты болған, бірақ сол сәттерде Чувало аяғында тік тұрған еді.
Оның аңызға айналуының басты мысалы - Мұхаммед Әлимен өткен екі жекпе-жегі (1966 және 1972 жылдары). Чуваломен алғашқы кездесуіне дейін Әли қатарынан төрт рет мерзімінен бұрын жеңіске жеткен болатын, ал канадалық боксшы басқа қарсыластың бас тартуына байланысты жекпе-жекке небәрі екі апта қалғанда рингке шығуға келіскен.
Екі жекпе-жек те төрешілердің бірауыздан қабылдаған шешімімен канадалықтың жеңілісімен аяқталды. Бірінші кездесуден кейін Әли Чувалоны өз мансабындағы ең төзімді қарсылас деп атады.
"Бәрі аяқталғанда Әли ауруханаға түсті. Оның денесі қан-жоса болды. Ал мен сол күні кешке әйеліммен бірге биге бардым", - деп жазды Чувало өз өмірбаянында.
Джордж Чувалоның Әлиден бөлек, Джордж Форман, Джо Фрейзер, Флойд Паттерсон, Эрни Террелл, Джерри Кварри, Кливленд Уильямс, Джимми Эллис, Бастер Матис, Даг Джонс, Оскар Бонавена, Зора Фолли, Ивон Дюрелл, Пит Радемахер сияқты басқа да атақты қарсыластары болды. Олардың ешқайсысы канадалықты канвасқа құлата алмады.
Instagram-дағы бұл жарияланымды көру
SULLY’S BOXING GYM ???? Toronto (@sullysboxinggym) жарияланымы
Дегенмен, Джорджқа ауыр салмақтағы әлем чемпионы белбеуі бұйырмады.
Бұған дейін 83 жасында панамалық әйгілі боксшы, жеңіл салмақтағы бұрынғы абсолют әлем чемпионы Исмаэль Лагуна өмірден өткен.